अबैंध भन्सार छलिका सामान सहित मानिस पक्राउ
२०८०-१०-१९
- A
- A-
- A+
कञ्चनपुर:- जिल्ला कञ्चनपुर, भिमदत्त न.पा.१० बिधुत कार्यालय अगाडी र भिमदत्त न.पा.११ चौकीसत्ताबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. १,०९,१४०।- बराबरको हार्डवेयरका सामानहरु,चप्पल,चिनी,दाल,मिश्री लगायतका सामानहरु बिहीबार प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । उल्लेखित सामानहरु आवश्यक कारबाहीको लागि प्रहरीले भन्सार कार्यालय गडडाचौकीमा बुझाइको हो ।
यसैगरि, जिल्ला कञ्चनपुर,बेलौरी न.पा. ८ कलकत्ताबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. ३२,४००।- बराबरको चकलेट,पोलिथिन लगायत मोटरसाईकल थान-१ सहित ऐ.बेलौरी न.पा. १० सडकघाँट बस्ने बर्ष २७ को हुकुमदास चौधरीलाई बिहीबार प्रहरी गस्ती टोलीले फेला पारी आवश्यक प्रक्रिया पुरा गरि नियन्त्रणमा लिएको हो ।