कैलाली:- जिल्ला कैलाली, ध.उ.म.न.पा. ३  बोराडाडी चोकबाट ३५० मिलिग्राम लागू औषध खैरो हेरोईन जस्तो देखिने धुलो पदार्थ सहित धनगढी उप-महानगरपालिका ३ बोराडाडी बस्ने बर्ष २२ को सञ्जय राना र गोदावरी न.पा. ५ गेटा बस्ने बर्ष २३ को मनोज रानालाई शनिबार दिउँसो प्रहरीले पक्राउ गरेको हो । अस्थाई प्रहरी पोष्ट चटकपुर, कैलालीबाट खटिएको प्रहरी टोलीले शंका लागि चेकजाँच गर्दा निजहरुको साथबाट उक्त पदार्थ फेला पारी आवश्यक प्रक्रिया पुरा गरि,उक्त पदार्थ सहित निजहरुलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

    कञ्चनपुर:- जिल्ला कञ्चनपुर, भिमदत्त न.पा. २ महुलियाबाट ०.३७ ग्राम लागू औषध खैरो हेरोईन जस्तो देखिने धुलो पदार्थ सहित सोही ठाउँ बस्ने १८ बर्षिय किशोरलाई शनिबार राति प्रहरीले पक्राउ गरेको हो । लागू औषध नियन्त्रण व्युरो शाखा कार्यालय महेन्द्रनगर र जिल्ला प्रहरी कार्यालय कञ्चनपुरबाट खटिएको प्रहरी टोलीले शंका लागि चेकजाँच गर्दा निजको साथबाट उक्त पदार्थ फेला पारी आवश्यक प्रक्रिया पुरा गरि,उक्त पदार्थ सहित निजलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।