अबैध भन्सार छलिका सामान बरामद
२०८०-११-०८
- A
- A-
- A+
कैलाली:- जिल्ला कैलाली, ध.उ.म.न.पा. ३ ट्राफिक चौराह नजिकबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. १२,३१०।– बराबरको प्याज,चिनी,बिडी,अचार लगायतका सामानहरु सोमबार राती प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।
कञ्चनपुर:- जिल्ला कञ्चनपुर, बेलौरी न.पा. ६ भुराकोटबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. ४०,२५०।– बराबरको मोटरसाईकलका बिभिन्न पाटपुर्जाहरु (फिडर,फडर, स्टार्ट मोटर,साईड लाईट,मोटर गाड ,पछाडीको लाईट,सानो फिल्टर,ठुलो फिल्टर,सिट कभर,ब्रेक/क्लोज तार) लगायतका सामानहरु, पुनर्वास न.पा. ११ डोकेबजारबाट अन्दाजी मूल्य रु. ७४,०००।– बराबरको कुर्ती,बिडी,सुर्ती,प्लाष्टिक झिल्ली लगायतका सामानहरु र ऐ. न.पा. ११, १९७ नम्बर पिल्लर नजिकबाट अन्दाजी मूल्य रु. २,०८,५००।– बराबरको कुर्ती,दोपट्टा,बच्चाको सुट,सुर्ती लगायतका सामानहरु गरि जम्मा अन्दाजी मूल्य रु.३,२२,७५०।- बराबरको सामानहरु सोमबार प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।