अबैध भन्सार छलिका सामान सहित मानिस पक्राउ
२०८०-११-१७
- A
- A-
- A+
कैलाली:- जिल्ला कैलाली, धनगढी उ.म.न.पा वडा नं.५ हसनपुर, वडा नं. ८ धनगढी गाउँ, वडा नं ९ बाङ्ग्राकटान, वडा नं. १२ पटरीघाटबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.७०,९००।– बराबरको बिडी, प्लाष्टिक झिल्ली,जिरा,नरिवल धुलो, गुलाबजामन पाउडर,बेसन,केक चेरी लगायतका सामानहरु र भजनी न.पा.१ पडरीया, वडा नं. ६ नवलपुरबाट अन्दाजी मुल्य रु.७५,०००।– बराबरको चिनी,ललिपप,चक्लेट मोटरसाईकलको व्यारिङ लगायतका सामानहरु गरि जम्मा अन्दाजी मुल्य रु. १,४५,९००।– बराबरको सामानहरु बुधबार प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।
यसैगरी:- गोदावरी न.पा.३ चौकीडाँडाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१९,४००।– बराबरको INDIGO कम्पनीका pu-super gloss enamel २०० मिलिलिटरका डिब्बा थान १० र ५०० मिलिलिटरका डिब्बा थान १२ लगायतका सामानहरु र ऐ. ३ मालाखेतीबाट अन्दाजी मुल्य रु.४,०६,४००।– बराबरको प्याज, मोटरसाईकल थान ३ समेत गरि जम्मा अन्दाजी मुल्य रु. ४,२५,८००।– बराबरको सामानहरु सहित तीन जनालाई बुधबार प्रहरी गस्ती टोलीले फेला पारी आवश्यक प्रक्रिया पुरा गरि नियन्त्रणमा लिएको हो । उल्लेखित सामान सहित मानिसहरुलाई आवश्यक कारवाहीको लागि प्रहरीले कैलाली भन्सार कार्यालय त्रिनगरमा बुझाएको हो ।
कञ्चनपुर:- जिल्ला कञ्चनपुर, भिमदत्त न.पा. भुजेला र ऐ ११ चौकीसत्ताबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. १,१७,६८०।– बराबरको चिनि, मिश्री, गुड,तेल,चियापत्ती, मिठाई, कोटको कपडा, झुल, फोटो फ्रेम, धुप, कालो पोल्थीन, किट्नाषक औषधी लगायतका सामानहरु र पुनर्वास न.पा.११ देउरालीबाट अन्दाजी मूल्य रु. १७,४७०।–बराबरको चिनी,सुर्ती,बिडी,नमकिन,चक्लेट लगायतका सामानहरु गरि जम्मा अन्दाजी मूल्य रु.१,३५,४५०।- बराबरको सामानहरु बुधबार प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।