कैलाली:- जिल्ला कैलाली, धनगढी उ.म.न.पा. ६ भट्टी चोकबाट साल जातको काठ जस्तो देखीने कडी ७५ थान र फ्रेम ४१ थान (४७.४ क्यू फिट) सहित से १ ख १६२० नम्बरको मिनिट्रक र चालक जिल्ला डोटी बडिकेदार गाउँपालिका १ बस्ने बर्ष २९ को बसन्त मौनीलाई शनिबार प्रहरीले पक्राउ गरेको हो । उक्त मिनिट्रक पल्टेको अवस्था रहेको भनि स्थानियले जानकारी गराउना साथ सामुदायिक प्रहरी सेवा केन्द्र हंसनपुरबाट खटिएको प्रहरी टोलीले उक्त काठ फेला पारी ट्रक सहित चालकलाई पक्राउ गरेको हो । उल्लेखित काठ,ट्र्क र चालकलाई आवश्यक कारवाहीको लागि प्रहरीले सव डिबिजन वन कार्यालय कैलालीलाई बुझाएको हो ।