प्रहरी कन्ट्रोल : १००, टोल फ्री नं.: १६६००१४१५१६
नेपा
EN

अबैध भन्सार छलिका सामान सहित मानिस पक्राउ

२०८०-११-२३

  • A
  • A-
  • A+
Share

     कैलाली:- जिल्ला कैलाली, धनगढी उ.म.न.पा. १० जुगेडाकटानबाट अबैंध रुपमा भारतबाट भन्सार छलि गरि ट्याक्टर र मोटरसाईकलमा ल्याउदै गरेका अन्दाजी मूल्य रु. १२,३४,८००।- बराबरको माछा,बोईलर कुखुरा,ट्याक्टर थान-१ र मोटरसाईकल थान-२ सहित सोही ठाँउ बस्ने तीन जना मानिसहरुलाई बुधबार बिहान जिल्ला प्रहरी कार्यालय कैलाली र अस्थाई प्रहरी पोष्ट जुगेडाबाट संयुक्त रुपमा खटिएको प्रहरी गस्ती टोलीले चेकजाँच गर्ने क्रममा फेला पारी आवश्यक प्रक्रिया पुरा गरि नियन्त्रणमा लिएको हो । उल्लेखित सामान र सवारी साधन सहित तीनै जनालाई आवश्यक कारबाहीको लागि प्रहरीले कैलाली भन्सार कार्यालय त्रिनगर बुझाएको हो ।

     कञ्चनपुर:- जिल्ला कञ्चनपुर, भिमदत्त न.पा. ९ ब्रहमदेब र खल्लाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. २,३१,६००।– बराबरको कपडा थानहरु,लेडिज ब्याग,खेलौना,चस्मा,कस्मेटिक लगायतका सामानहरु र पुनर्वास न.पा. ११ डोकेबजारबाट अन्दाजी मूल्य रु. ४४,३००।– बराबरको कचौरा,कडाई,प्लाष्टिक बाटा, मेसिन बेरिङ,बेरिङ हब लगायतका सामानहरु गरि जम्मा अन्दाजी मुल्य रु. २,७५,९००।– बराबरको सामानहरु बुधबार प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । 

     बैतडी:- जिल्ला बैतडी, मेलौली न.पा.३ लामालेक स्थित पाटन-मेलौली सडक खण्डबाट अबैंध रुपमा भारतबाट भन्सार छलि गरि ट्रकमा ल्याउदै गरेको अबस्थामा अन्दाजी मूल्य रु. १९,०८,४४०।–बराबरको प्याज,चिनी,दाल,चामल,खानेतेल,मिठाई, नमकिन,पनिर,बिडी,चप्पल लगायत ट्रक थान १ सहित ट्रक चालकलाई बुधबार बिहान जिल्ला प्रहरी कार्यालय बैतडी समेतबाट खटिएको प्रहरी गस्ती टोलीले चेकजाँच गर्ने क्रममा फेला पारी आवश्यक प्रक्रिया पुरा गरि नियन्त्रणमा लिएको हो । जिल्ला प्रहरी कार्यालय बैतडीबाट उल्लेखित सामानहरु,ट्रक र मानिसलाई आवश्यक कारबाहीको लागि कैलाली भन्सार कार्यालय धनगढी पठाएको छ । 

सम्बन्धित समाचार
अबैध लागू औषध सहित मानिस नियन्त्रणमा
२०८२-०५-१३

      कैलाली:- मिति २०८२।०५।१२ गते २०:२० बजेको समयमा जिल्ला कैलाली, धनगढी उ.म.न.पा.२ चौराहाबाट जिल्ला कञ्चनपुर, कृष्णपुर न.पा.७ बस्ने बर्ष २० को नसिव राना समेत ३ जनालाई ४ ग्राम ४६० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ, निजहरुले प्रयोग गरेको से ४ प १७४५ नम्बरको मोटरसाइकल सहित तिनै जनालाई जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको  ।       यसैगरी,  मिति २०८२।०५।१२ गते २०:२० बजेको समयमा जिल्ला कैलाली, टीकापुर न.पा.५ बस्ने बर्ष २५ को रबि चौधरी लाई शंका लागि निजको घर कोठा खाँनतलासी गर्दा १८० मिलिग्राम लागूऔषध खैरो हेरोइन जस्तो देखिने धुलो पदार्थ र २ ग्राम ८६० मिलिग्राम लागूऔषध चरेश जस्तो देखिने कालो पदार्थ फेला पारी उक्त पदार्थ सहित निजलाई इलाका प्रहरी कार्यालय टिकापुर, कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको  ।      यसैगरी,  मिति २०८२।०५।१२ गते २३:३० बजेको समयमा जिल्ला कैलाली, धनगढी उ.म.न.पा.१३ लक्ष्मीनगरबाट ऐ. कैलालीगाउँ बस्ने बर्ष ३२ को रामजिवन रानालाई शंका लागि चेकजाँच गर्दा निजको साथबाट १६० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ सहित निजलाई प्रहरी चौकी कैलालीगाउँ, कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको  ।  

बसको ठक्करबाट मोटरसाइकल चालकको मृत्यु
२०८२-०५-१३

     कैलाली:- मिति २०८२।०५।१२ गते १७:०० बजेको समयमा जिल्ला कैलाली, जानकी गा.पा.४ रामजानकी मन्दिर नजिक सोही गा.पा.७ मक्री बस्ने बर्ष ३६ को तुल्सीराम चौधरीले चलाएको सु.सु.प.प्र.०१-००१ क २७८६ नम्बरको रेन्बो एकेडेमी स्कुलको बसले ऐ.जोशीपुर गा.पा.५ बनकट्टा बस्ने बर्ष २३ को सागर डगौराले चलाएको सु.प.प्र.०१-००८ प ५६२८ नम्बरको मोटरसाइकललाई ठक्कर दिँदा मोटरसाइकल चालक गम्भिर घाईते भई उपचारको लागि सेवा नर्सिङ होम नेपालगंज, बाँके लगिएकोमा ऐ. १९;५५ बजेको समयमा चिकित्सकले चेकजाँच गर्दा मृत्यु घोषणा गरेको, मोटरसाइकल पछाडी सवार सोही ठाउँ बस्ने वर्ष १४ को अनिल चौधरी घाइते भई टिकापुर अस्पताल टिकापुरमा उपचार भइरहेको,  बस र बस चालक इलाका प्रहरी कार्यालय टिकापुर, कैलालीको नियन्त्रणमा रहेको,  सो सम्बन्धमा अनुसन्धान भईरहेको  ।