फरार प्रतिवादी पक्राउ
२०८०-११-३०
- A
- A-
- A+
कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको बिभिन्न मितिको फैसलाले जरिवाना ठहर भई फरार रहेका निम्न मुद्दाका निम्न प्रतिवादीहरुलाई मंगलबार जिल्ला प्रहरी कार्यालय कैलाली तथा मातहत प्रहरी ईकाइहरुबाट खटिएको प्रहरी टोलीले पक्राउ गरेको हो । निजहरुलाई प्रहरीले सम्मानित अदालत समक्ष पेश गरेको हो ।
निम्न:-
१. बन मुद्दामा रु.८,३९६।– जरिवाना ठहर भएका गोदावरी न.पा.९ बस्ने कालुराम राना ।
२. बन मुद्दामा रु.१२,०००।– जरिवाना ठहर भएकी टिकापुर न.पा. ५ बस्ने लक्ष्मी चौधरी ।
३. चेक अनादार मुद्दामा रु.९००।– जरिवाना ठहर भएकी टिकापुर न.पा. ४ बस्ने सरिता चौधरी ।
४. चेक अनादार मुद्दामा रु.१,०००।– जरिवाना ठहर भएकी टिकापुर न.पा. १ बस्ने रिता चौधरी ।
कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कञ्चनपुरको फैसलाले चोरी मुद्दामा रु.२०,०००।- जरीवाना ठहर भई फरार रहेका जिल्ला कञ्चनपुर भिमदत्त न.पा.८ बस्ने १८ बर्षिय किशोरलाई जिल्ला प्रहरी कार्यालय कञ्चनपुरबाट खटिएको प्रहरी टोलीले मंगलबार निजकै घरबाट पक्राउ गरेको हो । निजलाई प्रहरीले सम्मानित अदालत समक्ष पेश गरेको हो ।
बैतडी:- फैसला कार्यान्वयनको सिलसिलामा सम्मानित जिल्ला अदालत बैतडीको फैसलाले कर्तव्य ज्यान मुद्दामा ८ बर्ष ११ महिना ११ दिन कैद सजाय ठहर भई फरार रहेका जिल्ला बैतडी सिगास गा.पा. २ बस्ने बर्ष ३८ को राजेन्द्र सिंह धामीलाई प्रहरी चौकी गाँजरी बैतडीबाट खटिएको प्रहरी टोलीले मंगलबार साँझतिर ऐ. गाजँरी बजारमा फेला पारी पक्राउ गरेको हो ।