कैलाली:- जिल्ला कैलाली, धनगढी उ.म.न.पा.३ भन्सार नजिकबाट ७१० मिलिग्राम लागू औषध खैरो हेरोईन जस्तो देखिने धुलो पदार्थ सहित ऐ.५ बस्ने बर्ष २७ को करन ऐरलाई शुक्रबार दिउँसो प्रहरीले पक्राउ गरेको हो  । प्रहरी चौकी त्रिनगर, कैलालीबाट खटिएको प्रहरी टोलीले शंका लागि चेकजाँच गर्दा निजको साथबाट उक्त पदार्थ फेला पारी, आवश्यक प्रक्रिया पुरा गरि उक्त पदार्थ सहित निजलाई पक्राउ गरेको हो ।  

    कञ्चनपुर:- जिल्ला कञ्चनपुर, शुक्लाफाँटा न.पा.७ झण्डाभोज गाउँबाट ७७.२१ ग्राम लागू औषध गाँजा जस्तो देखिने पदार्थ सहित सोही ठाउँ बस्ने बर्ष २२ को शुसिल चौधरीलाई शुक्रबार साँझतिर प्रहरीले पक्राउ गरेको हो  । ईलाका प्रहरी कार्यालय झलारी,कञ्चनपुरबाट खटिएको प्रहरी गस्ति टोलीले निज गाउँमा हिडीरहेको अवस्थामा शंका लागि चेकजाँच गर्दा निजको साथबाट उक्त पदार्थ र धारिलो हतियार (खुकुरी) थान एक  समेत फेला पारी, आवश्यक प्रक्रिया पुरा गरि निजलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।