कञ्चनपुर:- जिल्ला कञ्चनपुर, पुनर्वास न.पा.११ डोकेबजारबाट ४५ ट्याब्लेट नाट्रोजेपाम र १२ क्याप्सुल स्पास अबैध लागू औषध सहित जिल्ला कैलाली भजनी न.पा.८ बस्ने बर्ष २३ को बिनोद शाह र ऐ.१ बस्ने बर्ष २२ को अर्जुन बि.क.लाई आईतबार साँझतिर प्रहरीले पक्राउ गरेको हो  । ईलाका प्रहरी कार्यालय त्रिभुवनवस्ती र प्रहरी चौकी परासन,कञ्चनपुरबाट संयुक्त रुपमा खटिएको प्रहरी टोलीले निजहरु भारतबाट नेपाल तर्फ आउदै गरेको अवस्थामा शंका लागि चेकजाँच गर्दा निजहरुको साथबाट उक्त पदार्थ फेला पारी, आवश्यक प्रक्रिया पुरा गरि उक्त पदार्थ सहित निजहरुलाई पक्राउ गरेको हो ।