कञ्चनपुर:- जिल्ला कञ्चनपुर, बेलौरी न.पा.६ नकैयाबाट १०.०२  ग्राम लागू औषध खैरो हेरोईन जस्तो देखिने धुलो पदार्थ सहित भारत उत्तराखण्ड प्रदेश जिल्ला लखिमपुर ग्राम खजुरीया बस्ने १८ बर्षिय किशोरलाई मंगलबार दिउँसो प्रहरीले पक्राउ गरेको हो । सुदूरपश्चिम प्रदेश प्रहरी कार्यालय धनगढी र ईलाका प्रहरी कार्यालय बेलौरी,कञ्चनपुरबाट संयुक्त रुपमा खटिएको प्रहरी टोलीले निज पैदल आउँदै गरेको अवस्थामा शंका लागि चेकजाँच गर्दा निजको साथबाट उक्त पदार्थ फेला पारी, आवश्यक प्रक्रिया पुरा गरि उक्त पदार्थ सहित निजलाई पक्राउ गरेको हो ।  यस सम्बन्धमा प्रहरीले थप अनुसन्धान गरिरहेको छ ।