कञ्चनपुर:- जिल्ला कञ्चनपुर, पुनर्वास न.पा.११ डोके बजारबाट १ ग्राम ६०० मिलिग्राम लागू औषध खैरो हेरोईन जस्तो देखिने धुलो पदार्थ र २० ग्राम २५० मिलिग्राम लागू औषध जस्तो देखिने कालो पदार्थ सहित जिल्ला कैलाली कैलारी गा.पा.५ बस्ने बर्ष २१ को बिजय चौधरीलाई मंगलबार साँझतिर प्रहरीले पक्राउ गरेको हो। प्रहरी चौकी परासन,कञ्चनपुरबाट खटिएको प्रहरी टोलीले निज भारतबाट नेपाल तर्फ आउँदै गरेको अवस्थामा चेकजाँच गर्दा निजको साथबाट उक्त पदार्थ फेला पारी, आवश्यक प्रक्रिया पुरा गरि उक्त पदार्थ सहित निजलाई पक्राउ गरेको हो ।