कैलाली:- जिल्ला कैलाली, धनगढी उ.म.न.पा. २ त्रिनगर ब्यारेलबाट ६० मिलिग्राम लागू औषध खैरो हेरोईन जस्तो देखिने धुलो पदार्थ सहित जिल्ला डडेल्धुरा आलिताल गा.पा. १ बस्ने बर्ष २२ को बिक्रम बोहरा समेत दुई जनालाई बुधबार साँझतिर प्रहरीले पक्राउ गरेको हो  । प्रहरी चौकी त्रिनगर,कैलालीबाट खटिएको प्रहरी टोलीले शंका लगि चेकजाँच गर्दा निजहरुको साथबाट उक्त पदार्थ फेला पारी, आवश्यक प्रक्रिया पुरा गरि उक्त पदार्थ सहित निजहरुलाई पक्राउ गरेको हो ।  

यसैगरी, धनगढी उ.म.न.पा. १ त्रिवेणी चोकबाट ५२ ग्राम लागू औषध गाँजा जस्तो देखिने पदार्थ सहित सोही ठाउँ बस्ने बर्ष ३५ को विशाल श्रेष्ठलाई बुधबार साँझतिर प्रहरीले पक्राउ गरेको हो । अस्थाई प्रहरी पोष्ट शान्तीनगर,कैलालीबाट खटिएको प्रहरी टोलीले निजले मादक पदार्थ सेवन गरी झै-झगडा गरेको खबर प्राप्त हुनासाथ चेकजाँच गर्दा निजको कोठाबाट उक्त पदार्थ फेला पारी, आवश्यक प्रक्रिया पुरा गरि उक्त पदार्थ सहित निजलाई पक्राउ गरेको हो ।