बाजुरा:- जिल्ला बाजुरा, खप्तडछेडेदह गा.पा.७ लमगाउँ बस्ने बर्ष अन्दाजी ३०/३२ को बिरेन्द्र बहादुर रावत ऐ.स्थित छेडेदह तालमा घुम्न गएको अवस्थामा उक्त तालमा रहेको डुङ्गामा चढी तालमा खेल्ने क्रममा अचानक डुङ्गा पल्टिन गई तालमा डुबेर निजको आईतबार दिउँसो मृत्यु भएको हो । निज सहित ७ जना आईतबार दिउँसो तालमा रहेको डुङ्गामा चढी खेल्ने क्रममा डुङ्गा पल्टिन गई निज बिरेन्द्र बहादुर रावत तालमा डुबि बेपत्ता भएका थिए भने अन्य ६ जना पौडी खेली स-कुशल बाहिर निस्केका हुन । खबर प्राप्त हुनासाथ जिल्ला प्रहरी कार्यालय बाजुरा समेतबाट प्रहरी टोली खटिई गई निजलाई तालबाट मृत अवस्थामा फेला पारेको हो ।  यस सम्बन्धमा प्रहरीले आवश्यक अनुसन्धान गरिरहेको छ ।