अबैध लागूऔषध सहित मानिस नियन्त्रणमा
२०८३-०३-३१
- A
- A-
- A+
कैलाली:- जिल्ला कैलाली धनगढी उ.म.न.पा.५ बाल्मिकी स्कुल नजिकबाट अवैध लागूऔषध खैरो हेरोइन जस्तो देखिने धुलो पदार्थ १२९ मिलिग्राम सहित ३ जनालाई मंगलबार राति प्रहरीले पक्राउ गरेको छ । पक्राउ पर्नेहरूमा जिल्ला कञ्चनपुर, भिमदत्त न.पा.३ घर भई हाल जिल्ला कैलाली, धनगढी उ.म.न.पा.७ स्थित डेरा गरी बस्ने बर्ष २६ को गौरव चन्द, भिमदत्त न.पा.६ बस्ने बर्ष ३२ को प्रकाश आउजी र बेदकोट न.पा.५ घर भई हाल जिल्ला कैलाली, धनगढी उ.म.न.पा. १ स्थित डेरा गरी बस्ने बर्ष २२ की खुस्बु धानुक रहेका छन् । जिल्ला प्रहरी कार्यालय कैलाली र लागूऔषध नियन्त्रण व्युरो शाखा कार्यालय धनगढीबाट संयुक्त रुपमा खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो ।
यसैगरी, जिल्ला कैलाली भजनी न.पा.८ कांडापुलबाट अवैध लागूऔषध खैरो हेरोइन जस्तो देखिने पदार्थ ८७० मिलिग्राम सहित टिकापुर न.पा. १ सक्तिनगर सिबिर बस्ने बर्ष २७ को भिखु चौधरीलाई मंगलबार राति प्रहरीले पक्राउ गरेको छ । प्रहरी चौकी जनकपुर, कैलालीबाट खटिएको प्रहरीले साइकलमा यात्रा गरिरहेको अवस्थामा शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो ।