कैलाली:- जिल्ला कैलाली धनगढी उ.म.न.पा.९ बक्राकटानबाट अवैध लागूऔषध खैरो हेरोइन जस्तो देखिने पदार्थ ८६३ मिलिग्राम सहित सोही उ.म.न.पा.८ बस्ने बर्ष २२ को प्रकाश राना समेत ३ जनालाई शुक्रबार दिउँसो प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले से २ प ६१३१ नम्वरको मोटरसाइकलमा सवार निजहरुलाई शंका लागि चेकजाँच गर्दा उक्त पदार्थ फेला पारी उक्त पदार्थ, मोटरसाइकल सहित पक्राउ गरेको हो ।  

     यसैगरी, जिल्ला कैलाली गोदावरी न.पा.१ अनामनगरबाट अवैध लागूऔषध खैरो हेरोइन जस्तो देखिने पदार्थ २७० मिलिग्राम सहित २ जनालाई शुक्रबार राति प्रहरीले पक्राउ गरेको छ । पक्राउ पर्नेहरूमा सोही ठाउँ वस्ने बर्ष ३३ को हरिष वडु र सोही न.पा.२ तेघरी वस्ने वर्ष २६ को सुरेन्द्र भट्ट रहेका छन् । गोप्य सुचनाको आधारमा इलाका प्रहरी कार्यालय मालाखेती, कैलालीबाट खटिएको प्रहरीले चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो ।