अवैध भन्सार छलिका सामान नियन्त्रणमा

२०८३-०४-०९

A
A^-
A⁺

कैलाली:- कैलाली जिल्लाको विभिन्न स्थानहरु धनगढी उ.म.न.पा.१८ थापाघाट र भजनी न.पा.७ हिक्मतपुरबाट अबैंध रुपमा भारतबाट भन्सार छलि गरी ल्याएका अन्दाजी मूल्य रु.८४,६२४।– बराबरको सुर्ति, बिषादी, प्लाष्टिक झिल्ली लगायतका सामानहरु शुक्रबार जिल्ला प्रहरी कार्यालय कैलाली मातहत कार्यालयबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

सम्बन्धित समाचार

जुवातास खेलिरहेको अवस्थामा ६ जना पक्राउ

२०८३-०४-०९

कञ्चनपुर:- जिल्ला कञ्चनपुर लालझाडी गा.पा.२ कसुवा स्थित टेन्ट हाउसका सामान राखिएको गोदामबाट जुवातास खेलिरहेको अवस्थामा सोही ठाउँ वस्ने बर्ष ३२ को दान सिंह राना सहित ६ जनालाई शुक्रबार राति प्रहरीले पक्राउ गरेको छ । जुवातास खेलिरहेको अवस्थामा इलाका प्रहरी कार्यालय शंकरपुर, कञ्चनपुरबाट खटिएको प्रहरीले निजहरूलाई नगद रु.१५,९१५।– र ३ गड्डी तास सहित पक्राउ गरेको छ । यस सम्बन्धमा प्रहरीले अनुसन्धान गरिरहेको छ ।

अवैध लागूऔषध सहित १५ जना मानिस नियन्त्रणमा

२०८३-०४-०९

कैलाली:- जिल्ला कैलाली कैलारी गाउँपालिका-५ गोबरैला घाटबाट अवैध लागूऔषध खैरो हेरोइन जस्तो देखिने पदार्थ ४ सय ४७ मिलिग्राम र नगद ११ हजार ५ सय रूपैयाँ सहित २ जनालाई शुक्रबार दिउँसो प्रहरीले पक्राउ गरेको छ । पक्राउ पर्नेहरूमा सोही गाउँपालिका-७ भुईयाफाँटा बस्ने २३ वर्षीय अमन चौधरी र भजनी नगरपालिका९ पचमुडिया बस्ने २७ वर्षीय निराजन चौधरी रहेका छन् । इलाका प्रहरी कार्यालय हसुलिया समेतबाट खटिएको प्रहरीले उनीहरूलाई उक्त पदार्थ सहित पक्राउ गरेको छ । यसैगरी, जिल्ला कैलाली मोहन्याल गाउँपालिका-७ पितमारीस्थित कर्णाली एडभेन्चर रिसोर्टबाट अवैध लागूऔषध खैरो हेरोइन जस्तो देखिने पदार्थ १ सय २० मिलिग्राम सहित २ जनालाई शुक्रबार दिउँसो प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने २३ वर्षीय विनोद बिष्ट र लम्कीचुहा नगरपालिका-३ चिसापानी टुक्कीबजार बस्ने कालिकोट रास्कोट नगरपालिका-४ घर भएका २५ वर्षीय गोविन्द्र शाही रहेका छन् । इलाका प्रहरी कार्यालय चिसापानीबाट खटिएको प्रहरीले उनीहरूलाई उक्त पदार्थ सहित पक्राउ गरेको छ । यसैगरी, जिल्ला कैलाली धनगढी उ.म.न.पा.८ क्याम्पस चोकबाट अवैध लागूऔषध खैरो हेरोइन जस्तो देखिने पदार्थ ४ ग्राम ३२३ मिलिग्राम सहित ४ जनालाई शुक्रबार साँझ प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने बर्ष २८ को आयुष सिंह, सोही उ.म.न.पा.२ बस्ने बर्ष ३४ को जय बहादुर भण्डारी, सोही उ.म.न.पा.१० बस्ने बर्ष ३० को टेकेन्द्र बस्नेत र कैलारी गा.पा.२ घर भई हाल सोही उ.म.न.पा.८ क्याम्पस चोक कोठा गरी बस्ने बर्ष २५ को श्रीमल चौधरी रहेका छन् । जिल्ला प्रहरी कार्यालय कैलाली र लागूऔषध नियन्त्रण व्युरो शाखा कार्यालय धनगढीबाट संयुक्त रुपमा खटिएको प्रहरीले श्रीमल चौधरीको कोठामा लागूऔषध सेवन गरिरहेको अवस्थामा कोठा खानतलासी गर्दा उक्त पदार्थ फेला पारी उक्त पदार्थ सहित चारै जनालाई पक्राउ गरेको छ । यसैगरी, जिल्ला कैलाली टिकापुर न.पा. १ समितिपुरबाट अवैध लागूऔषध खैरो हेरोइन जस्तो देखिने पदार्थ ४०० मिलिग्राम सहित २ जनालाई शुक्रबार साँझ प्रहरीले पक्राउ गरेको छ । पक्राउ पर्नेहरूमा सोही ठाउँ वस्ने बस्ने बर्ष २८ को सागर खत्री र १८ वर्षिय किशोर रहेका छन् । इलाका प्रहरी कार्यालय टिकापुर, कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ । यसैगरी, जिल्ला कैलाली गोदावरी न.पा.५ गेटा सुकुम्वासी टोलबाट अवैध लागूऔषध गाँजा जस्तो देखिने धुलो पदार्थ ३७० ग्राम सहित सोही ठाउँ वस्ने वर्ष ४५ को खडक डंगौरालाई शुक्रबार साँझ प्रहरीले पक्राउ गरेको छ । बिशेष सुचनाको आधारमा प्रहरी चौकी गेटा, कैलालीबाट खटिएको प्रहरीले निजको घरकोठा खानतलासी गर्दा प्लाष्टिकको डिव्वा भित्र लुकाइ छिपाई राखेको अवस्थामा उक्त पदार्थ फेला पारी उक्त पदार्थ सहित पक्राउ गरेको छ । यसैगरी, जिल्ला कैलाली धनगढी उ.म.न.पा.१७ पथरी पुलबाट अवैध लागूऔषध खैरो हेरोइन जस्तो देखिने पदार्थ ३३५ मिलिग्राम सहित २ जनालाई शुक्रबार साँझ प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने बर्ष २६ को राजेश राना र बर्ष २५ को किरन राना रहेका छन् । जिल्ला प्रहरी कार्यालय कैलाली र लागूऔषध नियन्त्रण व्युरो शाखा कार्यालय धनगढीबाट संयुक्त रुपमा खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ । यसैगरी, जिल्ला कैलाली धनगढी उ.म.न.पा. ७ जि.पी. चोकबाट अवैध लागूऔषध खैरो हेरोइन जस्तो देखिने पदार्थ २३८ मिलिग्राम सहित २ जनालाई शुक्रबार राति प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने बर्ष २५ को बिकास जेठारा र बर्ष २८ को बिबेक राज उपाध्याय रहेका छन् । जिल्ला प्रहरी कार्यालय कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

जवरजस्ती करणी गरेको अभियोगमा मानिस पक्राउ

२०८३-०४-०९

कैलाली:- १३ वर्षीया वालिकालाई जबरजस्ती करणी गरेको अभियोगमा जिल्ला कैलाली, जोशिपुर गा.पा.३ लक्कड बस्ने बर्ष २० को अन्नु कठरियालाई शुक्रबार दिउँसो प्रहरीले पक्राउ गरेको छ । निजले ती बालिकालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय भजनी, कैलालीबाट खटिएको प्रहरीले पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अवैध लागूऔषध सहित मानिस नियन्त्रणमा

२०८३-०४-०८

कैलाली:- जिल्ला कैलाली धनगढी उ.म.न.पा.४ बोराडाडीबाट अवैध लागूऔषध खैरो हेरोइन जस्तो देखिने पदार्थ १ ग्राम ६५ मिलिग्राम सहित ३ जनालाई विहीबार दिउँसो प्रहरीले पक्राउ गरेको छ । पक्राउ पर्नेहरूमा जिल्ला बैतडी, सुर्नया गा.पा.३ घर भई हाल धनगढी उ.म.न.पा.४ कोठा गरी बस्ने बर्ष २८ को दिपक ऐरी, जिल्ला बैतडी, दोगडा केदार गा.पा.६ घर भई हाल धनगढी उ.म.न.पा.४ कोठा गरी बस्ने बर्ष ३१ को हेमन्त कार्की र गोदावरी न.पा.१ बस्ने बर्ष ३२ को सम्भु भट्ट रहेका छन् । लागूऔषध नियन्त्रण व्युरो शाखा कार्यालय धनगढी र अस्थायी प्रहरी पोष्ट चटकपुर, कैलालीबाट संयुक्त रुपमा खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ । यसैगरी, जिल्ला कैलाली धनगढी उ.म.न.पा.८ कान्तिपुर टोलबाट अवैध लागूऔषध खैरो हेरोइन जस्तो देखिने पदार्थ ३ ग्राम ६१४ मिलिग्राम सहित २ जनालाई गयराती प्रहरीले पक्राउ गरेको छ । पक्राउ पर्नेहरूमा सोही उ.म.न.पा.७ बस्ने बर्ष १९ को महेश राना र कैलारी गा.पा.७ घर भई हाल कान्तिपुर टोल डेरा गरी बस्ने १७ वर्षिय किशोरी रहेका छन् । लागूऔषध सेवन गरिरहेका छन भन्ने सुचनाको आधारमा जिल्ला प्रहरी कार्यालय कैलालीबाट खटिएको प्रहरीले १७ वर्षिय किशोरीको कोठा खानतलासी गर्दा उक्त पदार्थ फेला पारी उक्त पदार्थ सहित पक्राउ गरेको छ । दार्चुला:- जिल्ला दार्चुला मालिकार्जुन गा.पा.८ धामिगडा स्थित सोही ठाउँ बस्ने बर्ष ६० को गगन सिह बोहराले सञ्चालन गरेको भगवती खुद्रा पसलबाट १३० ग्राम लागूऔषध चरेश जस्तो देखिने कालो पदार्थ र १५१ ग्राम गाँजा सहित विहीबार दिउँसो प्रहरीले पक्राउ गरेको छ । जिल्ला प्रहरी कार्यालय दार्चुलाबाट खटिएको प्रहरी टोलीले निजले सञ्चालन गरेको पसलमा खानतलासी गर्दा पसल भित्र लुकाई छिपाई राखेको अवस्थामा उक्त पदार्थ फेला पारी निजलाई पक्राउ गरेको छ ।

अवैध भन्सार छलिका सामान नियन्त्रणमा

२०८३-०४-०८

कञ्चनपुर:- कञ्चनपुर जिल्लाको विभिन्न स्थानहरु भिमदत्त न.पा.११ भुजेला र बेलौरी न.पा.१ खल्लाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२,०५,७००।– बराबरको पेय पदार्थ, मोवाईल कभर, विउविजन, फलफुल, सुटपिस, प्लाष्टिक झिल्ली लगायतका सामानहरु विहीबार जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको छ ।

असार महिनाको POLICE OF THE MONTH घोषित

२०८३-०४-०६

सुदूरपश्चिम प्रदेश प्रहरी कार्यालय धनगढी, कैलालीले प्रहरी कार्यालय सहयोगी प्रकाश सिंह महरालाई असार महिनाको POLICE OF THE MONTH घोषित गरेको छ । मिति २०८२।०३।२१ गते अन्दाजी १८:३० वजेको समयमा जिल्ला दार्चुला, मालिकार्जुन गाउँपालिका वडा नम्वर ०८ धरमपानी वस्ने वर्ष ३६ को करण कोली र निजको श्रीमती वर्ष २६ की बिमला कोली खलंगा बजारबाट घर जाने क्रममा सोही गाउँपालिका वडा नम्वर ०७ जोलजीवी स्थित पुग्दा श्रीमान्- श्रीमती दुवै जनाको एक आपसमा झगडा हुँदा श्रीमती बिमला कोलीले महाकाली नदिमा हाम फालेको भनि नजिकै रहेको प्रहरी चौकी जोलजीवी, दार्चुलामा जानकारी गराउना साथ तत्कालै उक्त स्थानमा सोही चौकीमा कार्यरत प्रहरी कार्यालय सहयोगी प्रकाश सिंह महरा उक्त स्थानमा खटि गई आफ्नो ज्यानको प्रवाह नगरी निजलाई सकुसल उद्दार गरि पुर्‍याउनु भएको योगदानको उच्च मूल्याङ्कन गर्दै २०८३ साल असार महिनाको POLICE OF THE MONTH घोषणा गरिएको हो ।