कञ्चनपुर:- जिल्ला कञ्चनपुर कृष्णपुर न.पा.२ स्याउले बस्ने वर्ष ४४ को टेक बहादुर साउँदको घरमा जुवातास खेलिरहेको अवस्थामा निज टेक बहादुर साउँद सहित १६ जनालाई सोमबार राति प्रहरीले पक्राउ गरेको छ । जुवातास भईरहेको भन्ने सुचनाको आधारमा अस्थायी प्रहरी पोष्ट वाणी, कञ्चनपुरबाट खटिएको प्रहरीले निजहरूलाई नगद भारतीय रुपैयाँ रु.२७,५००।–, नेपाली रुपैयाँ रु.३२,७८०।– र मोवाईल थान ११ सहित पक्राउ गरेको छ । यस सम्बन्धमा प्रहरीले अनुसन्धान गरिरहेको छ ।