कैलाली;- जिल्ला कैलाली गौरीगंगा न.पा.१ चनौरा दक्षिण टोलबाट अवैध लागूऔषध खैरो हेरोइन जस्तो देखिने पदार्थ ३ ग्राम ३ सय १० मिलिग्राम र नगद ११ हजार ७ सय ५० रूपैयाँ सहित सोही ठाउँ बस्ने २४ वर्षीय रबिन्द्र धामीलाई बुधबार दिउँसो प्रहरीले पक्राउ गरेको छ । जिल्ला प्रहरी कार्यालय कैलाली समेतबाट खटिएको प्रहरीले उनलाई उक्त पदार्थ सहित पक्राउ गरेको हो ।

      यसैगरी, जिल्ला कैलाली धनगढी उ.म.न.पा.३ मिलनचोकबाट अवैध लागूऔषध खैरो हेरोइन जस्तो देखिने पदार्थ २४० मिलिग्राम सहित २ जनालाई वुधबार राति प्रहरीले पक्राउ गरेको छ । पक्राउ पर्नेहरूमा जिल्ला कञ्चनपुर पुनर्वास न.पा.४ बस्ने १८ वर्षिय किशोर र सोही न.पा.११ अमरबस्ती बस्ने बर्ष २२ की सृजना चौधरी रहेका छन् । लागूऔषध सेवन गरिरहेको अवस्थामा प्रहरी चौकी त्रिनगर, कैलालीबाट खटिएको प्रहरीले चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ ।  

      डडेल्धुरा:- जिल्ला डडेल्धुरा अमरगढी न.पा.१ स्याउले चेक प्वाइन्टबाट अवैध लागूऔषध खैरो हेरोइन जस्तो देखिने पदार्थ १६० मिलिग्राम सहित ३ जनालाई वुधबार राति प्रहरीले पक्राउ गरेको छ । पक्राउ पर्नेहरूमा जिल्ला कञ्चनपुर, बेदकोट न.पा.७ बस्ने बर्ष २६ को दिपक खुना, जिल्ला कैलाली, चुरे गा.पा.४ बस्ने बर्ष २५ को निराजन साह र सोही ठाउँ बस्ने बर्ष २४ को लक्ष्मण अधिकारी रहेका छन् । जिल्ला प्रहरी कार्यालय डडेल्धुराबाट खटिएको प्रहरीले सु.प.प्र.०१-००१ क १६९० नम्बरको टेलरमा सवार निजहरुलाई  शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।