डोटी:- जिल्ला डोटी जोरायल गा.पा.४ देउथली बर्ष ४७ की अमृता ओलीको कुटपिटबाट मृत्यु भएको अभियोगमा निजकै श्रीमान वर्ष ५० को चन्द्र बहादुर ओलीलाई वुधबार दिउँसो प्रहरीले पक्राउ गरेको छ । मादक पदार्थ सेवन गरि कुटपिट गर्दा गम्भीर घाइते भएकी अमृतालाई सेती प्रादेशिक अस्पताल धनगढी, कैलाली लगिएकोमा चिकित्सकले चेकजाँच गर्दा सोही साँझ मृत घोषणा गरेको छ । कुटपिट गर्ने चन्द्र बहादुर ओलीलाई इलाका प्रहरी कार्यालय जोरायल, डोटिबाट खटिएको प्रहरीले पक्राउ गरि अनुसन्धान भइरहेको छ ।