कैलाली:- जिल्ला कैलाली गोदावरी न.पा.९ सेहरी स्थित भित्री सडक खण्डबाट अवैध लागूऔषध खैरो हेरोइन जस्तो देखिने पदार्थ २ ग्राम ५६० मिलिग्राम र नगद रु.३५,३००।–(पैतिस हजार तिन सय)  सहित २ जनालाई शनिबार दिउँसो प्रहरीले पक्राउ गरेको छ । पक्राउ पर्नेहरूमा सोही न.पा.८ “झ” गाँउ बस्ने बर्ष ३० को अशोक चौधरी र बर्ष २४ को दिपक चौधरी रहेका छन् । गोप्य सुचनाको आधारमा इलाका प्रहरी कार्यालय मालाखेती, कैलालीबाट खटिएको प्रहरीले चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ ।   

   यसैगरी, जिल्ला कैलाली धनगढी उ.म.न.पा.१० घुँइयाघाटबाट अवैध लागूऔषध खैरो हेरोइन जस्तो देखिने पदार्थ १७१ मिलिग्राम सहित सोही ठाउँ बस्ने बर्ष ३० को सञ्जय रानलाई शनिबार साँझ प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ ।   

     यसैगरी, जिल्ला कैलाली टिकापुर न.पा.९ खक्रौलाबाट अवैध लागूऔषध खैरो हेरोइन जस्तो देखिने पदार्थ ३ ग्राम ३५० मिलिग्राम सहित जिल्ला बर्दिया, राजापुर न.पा. ५ पाहाडीपुर बस्ने १८ बर्षिय २ जना किशोरलाई शनिबार साँझ प्रहरीले पक्राउ गरेको छ । प्रहरी चौकी कालाकुण्डा, कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ ।   

    यसैगरी, जिल्ला कैलाली टिकापुर न.पा.९ खक्रौला स्थित सत्ती भन्सार कार्यालय नजिकबाट अवैध लागूऔषध खैरो हेरोइन जस्तो देखिने पदार्थ ६० मिलिग्राम सहित २ जनालाई शनिबार बेलुकी प्रहरीले पक्राउ गरेको छ । पक्राउ पर्नेहरूमा सोही न.पा.१ ब्लक नं. १० बस्ने बर्ष ३१ को हिमाल रावल र लम्कीचुहा न.पा.३ बस्ने बर्ष ४० को राकेश गुरुङ रहेका छन् । इलाका प्रहरी कार्यालय टिकापुर, कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ ।  

    कञ्चनपुर:- जिल्ला कञ्चनपुर दोधारा चाँदनी न.पा.१ पशुपति टोलबाट अवैध लागूऔषध खैरो हेरोइन जस्तो देखिने पदार्थ ४०० मिलिग्राम सहित सोही ठाँउ बस्ने १८ बर्षिय किशोरलाई शनिबार राति प्रहरीले पक्राउ गरेको छ । इलाका प्रहरी कार्यालय दोधारा चाँदनी, कञ्चनपुरबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ ।  यस सम्बन्धमा प्रहरीले आवश्यक अनुसन्धान गरिरहेको छ ।