फरार प्रतिवादी पक्राउ

२०८३-०४-२०

A
A^-
A⁺

कञ्चनपुर:- फैसला कार्यान्वयनको सिलसिलामा सम्मानित उच्च अदालत दिपायल, डोटीको फैसलाले कुटपिट मुद्दामा १ महिना कैद सजाय र रु.३,०००।– ( तिन हजार ) जरिवाना तोकिएका लालझाडी गा.पा. ५ भुली बस्ने वर्ष ५४ को दुर्गा दत्त जोशी र ऐ. देखतभुली बस्ने वर्ष ४० को गोबिन्द्र अवस्थीलाई इलाका प्रहरी कार्यालय झलारी, समेतबाट खटिएको प्रहरीले मंगलबार पक्राउ गरेको छ ।

सम्बन्धित समाचार

अवैध भन्सार छलिका सामान नियन्त्रणमा

२०८३-०४-२०

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.१,६६,४००।– बराबरको बिडी, सुर्ति, कुर्ति, सुटपिस, मटर दाना लगायतका सामानहरु मंगलबार जिल्ला प्रहरी कार्यालय कैलाली तथा मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ । कञ्चनपुर:- कञ्चनपुर जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.८२,७९०।– बराबरको पेय पदार्थ, बिडी, सुर्ति, नमकिन, फलफुल, थान कपडा लगायतका सामानहरु मंगलबार जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

भरुवा वन्दुक बरामद

२०८३-०४-२०

बैतडी:- जिल्ला बैतडी सिगास गा.पा.३ चमडे खर्क स्थित सामुदायिक बन भित्र ओडारमा लुकाई छिपाई राखेको बेवारिसे भरुवा बन्दुक थान-१ नाल मंगलबार साँझ प्रहरीले बरामद गरेको छ । गोप्य सुचनाको अधारमा प्रहरी चौकी गाँजरी, बैतडीबाट खटिएको प्रहरीले उक्त ओडारमा लुकाई छिपाई बेवारिसे अवस्थामा फेला पारी बरामद गरेको छ । यस सम्बन्धमा प्रहरीले थप अनुसन्धान गरिरहेको छ ।

अवैध लागूऔषध सहित मानिस नियन्त्रणमा

२०८३-०४-२०

कैलाली:- जिल्ला कैलाली धनगढी उ.म.न.पा.२ विशालनगरबाट अवैध लागूऔषध खैरो हेरोइन जस्तो देखिने पदार्थ ९४ मिलिग्राम सहित २ जनालाई मंगलबार दिउँसो प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने बर्ष ३५ को योगेश पाल र वर्ष ४३ को सुवाश हमाल रहेका छन् । अस्थायी प्रहरी पोष्ट विशालनगर, कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी पक्राउ गरेको छ । यसैगरी, जिल्ला कैलाली टिकापुर न.पा.१ खडकचोकबाट अवैध लागूऔषध खैरो हेरोइन जस्तो देखिने पदार्थ ६७० मिलिग्राम सहित गोदावरी न.पा.७ बस्ने बर्ष २३ को मिन रावललाई मंगलबार साँझ प्रहरीले पक्राउ गरेको छ । इलाका प्रहरी कार्यालय टिकापुर, कैलालीबाट खटिएको प्रहरीले शंका लागी चेकजाँच गर्दा उक्त पदार्थ फेला पारी पक्राउ गरेको छ । यसैगरी, जिल्ला कैलाली धनगढी उ.म.न.पा.३ मिलन चोकबाट नियन्त्रित लागूऔषध स्पास २४० ट्याब्लेट सहित सोही उ.म.न.पा. १२ जुगेडा बस्ने बर्ष १९ को बिर्ख बहादुर नेपालीलाई मंगलबार साँझ प्रहरीले पक्राउ गरेको छ । वडा प्रहरी कार्यालय धनगढी, कैलालीबाट खटिएको प्रहरीले शंका लागी चेकजाँच गर्दा उक्त नियन्त्रित लागूऔषध फेला पारी पक्राउ गरेको छ । कञ्चनपुर:- जिल्ला कञ्चनपुर बेलौरी न.पा.१ खल्ला पिपल चौताराबाट अवैध लागूऔषध खैरो हेरोइन जस्तो देखिने पदार्थ ५५० मिलिग्राम सहित पुनर्बास न.पा.३ राम बस्ती बस्ने बर्ष १९ को निशान्त तामाङलाई मंगलबार दिउँसो प्रहरीले पक्राउ गरेको छ । प्रहरी चौकी फटैया, कञ्चनपुरबाट खटिएको प्रहरीले सु.प.प्र.०१-०१२ प ७४८ नम्वरको मोटरसाइकलमा सवार निजलाई शंका लागी चेकजाँच गर्दा उक्त पदार्थ फेला पारी मोटरसाइकल सहित पक्राउ गरेको छ ।

अवैध भन्सार छलिका सामान सहित ४ जना मानिस पक्राउ

२०८३-०४-१८

कञ्चनपुर:- जिल्ला कञ्चनपुर कृष्णपुर न.पा.५ गुलरिया बजार स्थित गोप्य सुचनाको आधारमा सोही ठाउँ बस्ने बर्ष ३४ को पदम भण्डारीले सञ्चालन गरेको कालिका टेन्ट हाउस भित्र लुकाई छिपाई राखेको अवैध भारतबाट भन्सार छलि गरी ल्याएका अन्दाजी मूल्य रु.१,५८,७००।- बराबरको साडी, धोती, सुटपिस, कुर्ति, उक्त सामान ल्याउन प्रयोग गरिएका मोटरसाइकल थान-२ लगायतका सामानहरु फेला पारी निज टेन्ट सञ्चालक पदम भण्डारी र भारतबाट भन्सार छली गरी ल्याउने मानिसहरु भिमदत्त न.पा.२ उल्टाखाम बस्ने बर्ष ३७ को जित सिंह पार्की, सोही न.पा.११ बस्ने बर्ष ३४ को थानेश्वर प्रसाद जोशी र जिल्ला कैलाली, गोदावरी न.पा.१ अत्तरिया बस्ने बर्ष २७ को दिपक भट्ट सहित चारै जनालाई इलाका प्रहरी कार्यालय गुलरिया, कञ्चनपुरबाट खटिएको प्रहरीले आइतवार बिहान पक्राउ गरी आवश्यक कारवाहीको लागी भन्सार कार्यालय गड्डाचौकी, कञ्चनपुरमा वुझाइएको छ ।

अवैध लागूऔषध सहित मानिस नियन्त्रणमा

२०८३-०४-१८

कैलाली:- जिल्ला कैलाली जोशिपुर गा.पा.१ पिपलकोटीबाट अवैध लागूऔषध खैरो हेरोइन जस्तो देखिने पदार्थ ६ ग्राम ६३० मिलिग्राम सहित ४ जनालाई आइतबार दिउँसो प्रहरीले पक्राउ गरेको छ । पक्राउ पर्नेहरूमा भजनी न.पा.८ खैरा बस्ने बर्ष २७ को किरण चौधरी, सोही न.पा.६ थापापुर बस्ने १८ बर्षिय किशोर, जानकी गा.पा.४ कञ्चनपुर बस्ने बर्ष २४ को श्याम कठरिया र बर्ष २२ को रुपेश कठरिया रहेका छन् । गोप्य सुचनाको आधारमा इलाका प्रहरी कार्यालय भजनी, कैलालीबाट खटिएको प्रहरीले चेकजाँच गर्दा उक्त पदार्थ फेला पारी उक्त पदार्थ, निजहरुले प्रयोग गरेको मोटरसाइकल थान-२ सहित चारै जनालाई पक्राउ गरेको छ । यसैगरी, जिल्ला कैलाली लम्कीचुहा न.पा.७ बजारबाट अवैध लागूऔषध खैरो हेरोइन जस्तो देखिने पदार्थ ५५० मिलिग्राम सहित २ जनालाई आइतबार राति प्रहरीले पक्राउ गरेको छ । पक्राउ पर्नेहरूमा सोही ठाउँ बर्ष २९ को रेहान चौधरी र बर्ष २७ को अजय चौधरी रहेका छन् । इलाका प्रहरी कार्यालय लम्की, कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको छ ।

अवैध भन्सार छलिका सामान नियन्त्रणमा

२०८३-०४-१८

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.७३,१०२।– बराबरको चिनी, बिडी, वेसन, पानीपुरी, चक्लेट, कुर्ति सुरवाल, युरिया मल, प्लाष्टिक झिल्ली लगायतका सामानहरु आइतबार जिल्ला प्रहरी कार्यालय कैलाली मातहत कार्यालयहरुबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ । कञ्चनपुर:- कञ्चनपुर जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.३,९९,५७०।– बराबरको पेय पदार्थ, चिनी, खानेतेल, विभिन्न किसिमका भाँडा वर्तन, तरकारी, फलफुल, विउ विजन, हार्डवेयर, विभिन्न किसिमका कपडा लगायतका सामानहरु आइतबार जिल्ला प्रहरी कार्यालय कञ्चनपुर मातहत कार्यालयहरुबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।