कञ्चनपुर:- जिल्ला कञ्चनपुर बेलौरी न.पा.१ खल्लाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.५७,०००।- बराबरको ३ क्विन्टल ५० किलो तोरी र ४ थान साइकल सहित लखिमपुर खिरी बसही कलौनी वस्ने बर्ष २२ को सन्तोश कुमार, वर्ष २० को अनुज गुप्ता, वर्ष २४ को सञ्जय कुमार र  वर्ष २१ को मनोज कुमारलाई प्रहरी चौकी फटैया, कञ्चनपुरबाट खटिएको प्रहरीले बिहिबार राति फेला पारी चारै जनालाई नियन्त्रणमा लिएको छ ।

     यसैगरी, सोही न.पा.२ बैजुडाँडाबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.२५,६००।– बराबरको पेय पदार्थ, बिडी, बोइलर कुखुरा लगायतका सामानहरु बिहीबार प्रहरी चौकी टेडुवा, कञ्चनपुरबाट खटिएको प्रहरीले बेवारिसे अवस्थामा फेला पारी नियन्त्रणमा लिएको छ ।  

     कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.७७,०००।– बराबरको बिडी, सुर्ति, सिद्रा माछा लगायतका सामानहरु बिहीबार जिल्ला प्रहरी कार्यालय कैलाली मातहत कार्यालयबाट खटिएको प्रहरीले बेवारिसे अवस्थामा फेला पारी नियन्त्रणमा लिएको छ ।