अवैध भन्सार छलिका सामान नियन्त्रणमा

२०८३-०५-०१

A
A^-
A⁺

कैलाली:- जिल्ला कैलाली कैलारी गा.पा.४ हनुमान मन्दिर नजिकबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.६०,०००।– बराबरको विभिन्न किसिमका भाँडा वर्तन लगायतका सामानहरु आइतबार दिउँसो इलाका प्रहरी कार्यालय हसुलिया, कैलालीबाट खटिएको प्रहरीले बेवारिसे अवस्थामा फेला पारी नियन्त्रणमा लिएको छ ।

सम्बन्धित समाचार

अवैध लागूऔषध सहित मानिस नियन्त्रणमा

२०८३-०५-०१

कैलाली:- जिल्ला कैलाली घोडाघोडी न.पा.१० लठैया स्थित भित्री सडक खण्डबाट अवैध लागूऔषध खैरो हेरोइन जस्तो देखिने पदार्थ १ ग्राम १७० मिलिग्राम सहित सोही ठाउँ बस्ने वर्ष २४ को जितेन्द्र चौधरीलाई आइतबार दिउँसो इलाका प्रहरी कार्यालय सुखड, कैलाली समेतबाट खटिएको प्रहरी टोलीले सु.प.प्र.०१-००८ प ५८३५ नम्वरको मोटरसाइकलमा सवार निजलाई शंका लागी चेकजाँच गर्दा उक्त पदार्थ फेला पारी मोटरसाइकल सहित पक्राउ गरेको छ । यसैगरी, जिल्ला कैलाली टीकापुर न.पा.१ ब्लक नं. २९ मेन्थाबाट अवैध लागूऔषध खैरो हेरोइन जस्तो देखिने पदार्थ २७० मिलिग्राम सहित सोही ठाउँ बस्ने वर्ष २५ को नबिन भण्डारीलाई आइतबार साँझ इलाका प्रहरी कार्यालय टीकापुर, कैलालीबाट खटिएको प्रहरी टोलीले शंका लागी चेकजाँच गर्दा उक्त पदार्थ फेला पारी पक्राउ गरेको छ । यसैगरी, जिल्ला कैलाली टीकापुर न.पा.९ खक्रौलाबाट अवैध लागूऔषध खैरो हेरोइन जस्तो देखिने पदार्थ ४ ग्राम ३२० मिलिग्राम सहित जिल्ला बर्दिया, राजापुर न.पा.७ भिमापुर बस्ने वर्ष २१ को अमन चौधरीलाई आइतबार साँझ प्रहरी चौकी कालाकुण्डा, कैलालीबाट खटिएको प्रहरी टोलीले शंका लागी चेकजाँच गर्दा उक्त पदार्थ फेला पारी पक्राउ गरेको छ ।

अवैध भन्सार छलिका सामान नियन्त्रणमा

२०८३-०४-३१

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.६३,९३०।– बराबरको बिडी, सुर्ति, किराना लगायतका सामानहरु शनिबार जिल्ला प्रहरी कार्यालय कैलाली तथा मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ । कञ्चनपुर:- कञ्चनपुर जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.२,४६,६००।– बराबरको पेय पदार्थ, विभिन्न किसिमका कपडा, पटका, झिरझिर बत्ति लगायतका सामानहरु शनिबार जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

अवैध लागूऔषध सहित मानिस नियन्त्रणमा

२०८३-०४-३१

कञ्चनपुर, जिल्ला कञ्चनपुर भिमदत्त न.पा.१९ बागफाटाबाट अवैध लागूऔषध खैरो हेरोइन जस्तो देखिने पदार्थ १ ग्राम १५० मिलिग्राम सहित सोही ठाउँ बस्ने वर्ष ३० भुवन महरा, बर्ष १९ को उत्तम कठायत र वर्ष २६ को खगेन्द्र राज बोहरालाई गोप्य सुचनाको आधारमा प्रहरी चौकी बागफाटा, कञ्चनपुरबाट खटिएको प्रहरी टोलीले चेकजाँच गर्दा उक्त पदार्थ फेला पारी निजहरु तिनै जनालाई शनिबार साँझ पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

पौडी खेल्ने क्रममा डुवेर १० वर्षिय वालिकाको मृत्यु

२०८३-०४-३१

कञ्चनपुर :- जिल्ला कञ्चनपुर शुक्लाफाटा न.पा.९ सिसैया स्थित सुनबरा नदीमा सोही ठाँउ बस्ने १० वर्षिय सञ्जु बिष्ट पौडी खेल्ने क्रममा शनिबार दिउँसो डुवेर गम्भिर घाइते भई उपचारको लागि महाकाली प्रादेशिक अस्पताल महेन्द्रनगर, कञ्चनपुर लगिएकोमा उपचारको क्रममा मृत्यु भएको छ । घटना सम्बन्धमा प्रहरीले अनुसन्धान गरिरहेको छ ।

अवैध लागूऔषध सहित मानिस नियन्त्रणमा

२०८३-०४-३०

कैलाली:- जिल्ला कैलाली धनगढी उ.म.न.पा.८ राधास्वामीबाट अवैध लागूऔषध ब्राउन सुगर जस्तो देखिने पदार्थ १ ग्राम १३० मिलिग्राम सहित ऐ.१ बस्ने वर्ष ३२ को सञ्जय यादव, वर्ष ४२ को सम्भु श्रेष्ठ, १६ वर्षिय किशोर र ऐ.५ बस्ने बर्ष २० को क्रिस बमलाई शुक्रबार बेलुकी जिल्ला प्रहरी कार्यालय कैलालीबाट खटिएको प्रहरीले टोलीले शंका लागी चेकजाँच गर्दा उक्त पदार्थ फेला पारी निजहरु चारै जनालाई पक्राउ गरेको छ ।

अवैध भन्सार छलिका सामान नियन्त्रणमा

२०८३-०४-३०

कैलाली:- जिल्ला कैलाली कैलारी गा.पा.४ हनुमान मन्दिर नजिकबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.२४,०००।– बराबरको टेन्ट शुक्रबार साँझ इलाका प्रहरी कार्यालय हसुलिया, कैलालीबाट खटिएको प्रहरी टोलीले बेवारिसे अवस्थामा फेला पारी नियन्त्रणमा लिएको छ ।