अबैध सिसमको काठ बरामद

२०८०-०२-२४

A
A^-
A⁺

कैलाली:- मिति २०८०/०२/२४ गते बिहान बिशेष सूचनाको आधारमा ईलाका प्रहरी कार्यालय हसुलियाबाट खटिई गएको प्रहरी टोलीले कैलारी गा.पा.३ निमबुवाबोझी स्थित ऐ.ऐ. बस्ने बर्ष ३८ को ज्ञान ब. चौधरीको खेतमा अबैध जम्मा अ.१०२.३१ क्युफिट सिसमको काठ सहित २ वटा आरा र ४ वटा डल्लब समेत फेलापारी प्रहरीले नियन्त्रणमा लिएको हो । मानिस सहित काठ आवश्यक कारबाहीको लागी प्रहरीले सबडिबिजन बन कार्यालय बसन्तालाई बुझाईएको छ ।

सम्बन्धित समाचार

अबैध भन्सार छलीका सामान बरामद

२०८०-०६-१२

कञ्चनपुर:- जिल्ला कञ्चनपुर, भिमदत्त न.पा. ६ सुकासालबाट अबैध रुपमा भारतबाट भन्सार छली ल्याएका अन्दाजी मूल्य रु. २,७५,०००।– बराबरको चिनि,मिश्री,नरिवल तथा सुर्ति जन्य पदार्थहरु लगायतका सामानहरु बिहीबार साँझतिर प्रहरी गस्ती टोलीले बेवारिसे अबस्थामा फेला पारी आवश्यक प्रकृया पुरा गरि नियन्त्रणमा लिएको हो । कैलाली:- जिल्ला कैलाली,धनगढी उप-महानगरपालिका २ त्रिनगर भन्सार नजिकबाट अबैध रुपमा भारतबाट भन्सार छली ल्याएका अन्दाजी मूल्य रु.२६,०००।– बराबरको चामल र गहुँ बिहीबार साँझतिर प्रहरी गस्ती टोलीले बेवारिसे अबस्थामा फेला पारी आवश्यक प्रकृया पुरा गरि नियन्त्रणमा लिएको हो ।

लागू औषध सहित मानिस पक्राउ

२०८०-०६-१२

कैलाली:- जिल्ला कैलाली,धनगढी उप-महानगरपालिका ११ त्रिनगर व्यारेल नजिकबाट २६ ट्याब्लेट स्पास र कोरेक्स १ बोतल अबैध लागू औषध सहित ऐ. १ बस्ने बर्ष २९ को विषेश गिरी समेत तीन जनालाई बिहीबार साँझतिर प्रहरीले पक्राउ गरेको हो । प्रहरी चौकी त्रिनगर कैलालीबाट खटिई गएको प्रहरी टोलीले शंका लागी चेकजाँच गर्दा निजहरुको साथबाट उक्त लागू औषध फेला पारी पक्राउ गरेको हो । यसैगरि, जिल्ला कैलाली, गोदावरी न.पा.९ सेहरी भन्ने गाऊँको कच्ची सडकबाट १ ग्राम १९० मिलिग्राम लागू औषध खैरो हेरोईन जस्तो देखिने धुलो पदार्थ सहित ऐ. धनगढी उ.म.न.पा. ११ बस्ने बर्ष ३५ को हरिद्वारी रानालाई बिहीबार साँझतिर प्रहरीले पक्राउ गरेको हो । बिशेष सूचनाको आधारमा ईलाका प्रहरी कार्यालय मालाखेती कैलालीबाट खटिई गएको प्रहरी टोलीले शंका लागी चेकजाँच गर्दा निजको साथबाट उक्त पदार्थ फेला पारी पक्राउ गरेको हो । यस सम्बन्धमा प्रहरीले थप अनुसन्दान गरिरहेको छ ।

समझदारी पत्रमा हस्ताक्षर

२०८०-०६-०१

धनगढी, ०१ गते असोज, आज मिति २०८०।०६।०१ गतेका दिन धनगढी उप-महानगरपालिका र सुदूरपश्चिम प्रदेश प्रहरी कार्यालय धनगढी,कैलाली बीच धनगढी उप-महानगरपालिका वडा नं.१४ स्थित जेष्ठ नागरिक भवनमा आसरा सुधार केन्द्र फुलबारी स्थापना गर्ने समझदारी भएको छ । धनगढी उप-महानगरपालिकाका नगर प्रमुख श्री गोपाल हमाल ज्यू र सुदूरपश्चिम प्रदेश प्रहरी कार्यालय धनगढी,कैलालीका प्रहरी नायव महानिरीक्षक भरत बहादुर बोहराज्यू बीच समझदारी पत्रमा हस्ताक्षर भई समझदारी पत्र आदान प्रदान गर्नु भएको हो । धनगढी उप-महानगरपालिका नगर कार्य पालिकाको कार्यालयको नवौं स्थापना दिवसको बिशेष समारोह,२०८० को कार्यक्रममा समझदारी पत्रमा हस्ताक्षर भएको थियो । प्रदेश अन्तरगत लागू औषधको दुर्व्यसनीहरुलाई सुपथ शुल्कमा गुणस्तरिय उपचारको ब्यबस्था गरि असल र सिर्जनशिल नागरिक बनाई परिवार र समाजमा पुन:स्थापना गर्नु सुधार केन्द्रको उद्देश्य रहेको छ ।

मृत अवस्थामा फेला

२०८०-०४-२५

कञ्चनपुर:-जिल्ला कञ्चनपुर, बेलौरी न.पा.२ घुसरा बस्ने बर्ष ४४ को चिन्डु चौधरी आफ्नै घरको पछाडी धारा नजिकै बुधवार साँझतिर मृत अबस्थामा फेला परेका छन । यस सम्बन्धमा ईलाका प्रहरी कार्यालय बेलौरीबाट थप अनुसन्धान भईरहेको छ ।

लागू औषध सहित मानिस पक्राउ

२०८०-०४-२५

कैलाली:-जिल्ला कैलाली, धनगढी उप-महानगरपालिका-३ त्रिनगर ब्यारेल नजिकबाट १६ ट्यावलेट अबैध लागु औषध स्पास सहित ऐ.गोदावरी न.पा. २ बस्ने वर्ष १९ को गणेश पार्कीलाई बुधवार दिउँसो प्रहरीले पक्राउ गरेको हो । प्रहरी चौकी त्रिनगर कैलालीबाट खटिई गएको प्रहरी टोलीले शंका लागी चेकजाँच गर्दा निजको साथबाट उक्त लागु औषध फेला पारी पक्राउ गरेको हो । यसैगरि,जिल्ला कैलाली, धनगढी उप-महानगरपालिका-१४ खुटियाघाटबाट ४ किलो ३० ग्राम लागु औषध (चरेश) सहित जिल्ला रुकुम (पश्चिम), बासीकोट गा.पा.७ बस्ने बर्ष ३९ को भिमसेन खत्री समेत दुई जनालाई बुधवार साँझतिर प्रहरीले पक्राउ गरेको हो । ईलाका प्रहरी कार्यालय बहुलिया कैलालीबाट खटिई गएको प्रहरी टोलीले शंका लागी चेकजाँच गर्दा भिमसेन खत्रीको झोलामा लुकाई छिपाई राखेको अबस्थामा उक्त लागु औषध (चरेश) फेला पारी दुबै जनालाई पक्राउ गरेको हो ।यसैगरि,जिल्ला कैलाली,गोदावरी न.पा. ०४ बुढीतोलाबाट १३ ग्राम लागु औषध खैरो हेरोईन जस्तो देखिने धुलो पदार्थ र नगद रकम रू ५३,०००। ( त्रिपन्न हजार मात्र) सहित जिल्ला डोटी,जोरायल गा.पा. २ बस्ने बर्ष २८ को मिन बहादुर मालीलाई बुधवार साँझतिर प्रहरीले पक्राउ गरेको हो । बिशेष सूचनाको आधारमा ईलाका प्रहरी कार्यालय मालाखेती कैलालीबाट खटिई गएको प्रहरी टोलीले शंका लागी चेकजाँच गर्दा निजको साथबाट उक्त पदार्थ फेला पारी पक्राउ गरेको हो । कञ्चनपुर:-जिल्ला कञ्चनपुर,भिमदत्त नगरपालिका वडा नं.४ गोबरैयाबाट ०.०६ ग्राम लागु औषध खैरो हेरोईन जस्तो देखिने धुलो पदार्थ सहित ऐ.१३ बडैपुर बस्ने बर्ष ४० को पदम कठायतलाई बुधवार साँझतिर प्रहरीले पक्राउ गरेको हो । अस्थायी प्रहरी पोष्ट मझगाँउ कञ्चनपुरबाट खटिई गएको प्रहरी टोलीले शंका लागी चेकजाँच गर्दा निजको साथबाट उक्त पदार्थ फेला पारी निज सहित मोटरसाईकल थान १ समेत प्रहरीले नियन्त्रणमा लिएको हो । यस सम्बन्धमा प्रहरीले थप अनुसन्धान गरिरहेको छ ।

लागुऔषध सहित मानिस पक्राउ

२०८०-०३-११

कैलाली- मिति २०८०/०३/१० गते दिउसो जिल्ला कैलाली धनगढी उप-महानगरपालिका १२ जुगेडा A गाउ स्थित ऐ.ऐ. बस्ने बर्ष ३५ को शेर बहादुर भण्डारीले संचालन गरेको ऐ. स्थित रहेको दुर्गेश्चरी मासु पसलमा शंका लागी चेकजाच गर्दा निजले लुकाई छिपाई राखेको शुद्ध तौल १ ग्राम ला.औ. खैरो हिरोइन फेला पारेको र निज शेर बहादुर भण्डारी सहित ऐ.ऐ. बस्ने बर्ष २७ को ला.औ. सेवन कर्ता राकेश भट्टलाई समेतलाई जिल्ला प्रहरी कार्यालय कैलाली र अस्थाई प्रहरी पोष्ट जुगेडा कैलालीबाट खटिगएको प्रहरी टोलीले नियन्त्रणमा लिएको हो । यसैगरि, आइतबार साँझतिर जिल्ला कैलाली धनगढी उप-महानगरपालिका ७ मनेहरा स्थित ऐ.ऐ.बस्ने बर्ष २५ को गोबिन्द रानालाई शंका लागी चेकजाच गर्दा निजको साथबाट शुद्ध तौल १ ग्राम ७ मिलिग्राम ला.औ. खैरोहिरोइन फेला पारी निजलाई समेत जिल्ला प्रहरी कार्यालय कैलालीबाट खटिई गएको प्रहरी टोलीले नियन्त्रणमा लिएको हो । यस सम्बन्धमा प्रहरीले थप अनुसन्धान गरिरहेको छ ।