अबैध भन्सार छलिका सामान सहित मानिस पक्राउ

२०८३-०६-०२

A
A^-
A⁺

कैलाली:- जिल्ला कैलाली गोदावरी न.पा.३ चौकिडाँडाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२६,२५,०००।– बराबरको मोटरसाईकलको टायर, मोटरसाईकलको ट्युब, घाँस काट्ने मेसिन, यु.पी. ३१ सि.टी. १३०३ भारतिय नम्वर पिलेटको चार चक्के मिनी ट्रक सहित चालक भारत लखिमपुर खिरी बस्ने वर्ष ३८ को चन्द्र कुमार बर्मालाई इलाका प्रहरी कार्यालय मालाखेती, कैलाली र सशस्त्र प्रहरी ३४ नम्वर गण हेडक्वाटर धनगढीबाट संयुक्त रुपमा खटिएको टोलीले बिहीबार दिउँसो फेला पारी उक्त ट्रक, सामान र चालकलाई आवश्यक कारवाहीको लागि कैलाली भन्सार कार्यालय त्रिनगर पठाएको छ ।

यसैगरी, कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.५,४७,०५०।– बराबरको पेय पदार्थ, सुर्ति, बिडी, गुट्खा, थान कपडा, साडी, प्लाजु, वान पिस, इलेक्ट्रिक, किराना लगायतका सामानहरु बिहिबार जिल्ला प्रहरी कार्यालय कैलाली तथा मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

कञ्चनपुर:- जिल्ला कञ्चनपुर भिमदत्त न.पा.११ चौकीसत्ताबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.१,१२,४५०।– बराबरको इलेक्ट्रिक तथा किराना लगायतका सामानहरु बिहिबार दिउँसो इलाका प्रहरी कार्यालय गड्डाचौकी, कञ्चनपुरबाट खटिएको प्रहरी टोलीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

सम्बन्धित समाचार

फरार प्रतिवादी पक्राउ

२०८३-०६-०२

डोटी:- फैसला कार्यान्वयनको सिलसिलामा सम्मानित जिल्ला अदालत डोटीको मिति २०८२।१०।२२ गतेको फैसलाले लागूऔषध खैरो हिरोईन मुद्दामा १ महिना १ दिन कैद सजाय तोकिएको जोरायल गा.पा.४ खैगाड बस्ने वर्ष २२ को खेम बहादुर पुन मगरलाई जिल्ला प्रहरी कार्यालय डोटीबाट खटिएको प्रहरी टोलीले बिहीबार दिपायल सिलगढी न.पा.६ सिलगढी बजारबाट पक्राउ गरेको छ ।

जुवातास खेलिरहेको अवस्थामा ६ जना पक्राउ

२०८३-०६-०१

कञ्चनपुर:- जिल्ला कञ्चनपुर शुक्लाफाटा न.पा.११ कलुवापुर स्थित जुवातास भई रहेको भन्ने गोप्य सुचनाको आधारमा सोही ठाउँ बस्ने वर्ष ४० को भोज बहादुर ऐरले सञ्चालन गरेको होटेलमा जुवातास खेलिरहेको अवस्थामा निज भोज बहादुर ऐर सहित ६ जनालाई बुधबार दिउँसो इलाका प्रहरी कार्यालय झलारी, कञ्चनपुरबाट खटिएको प्रहरी टोलीले नगद रु.१९,१९५।- ( उन्नाइस हजार एक सय पञ्चानव्वे) र तास सहित पक्राउ गरेको छ । यस सम्बन्धमा प्रहरीले अनुसन्धान गरिरहेको छ ।

अवैध भन्सार छलिका सामान नियन्त्रणमा

२०८३-०६-०१

कञ्चनपुर:- दोधारा चाँदनी न.पा.७ कञ्चभोज पुटपुटे झाडिबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.३३,३००।– बराबरको पेय पदार्थ, खाने तेल, पिठो लगायतका सामानहरु बुधबार दिउँसो इलाका प्रहरी कार्यालय दोधारा चाँदनी, कञ्चनपुरबाट खटिएको प्रहरी टोलीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

अबैध लागुऔषध सहित मानिस नियन्त्रणमा

२०८३-०६-०१

कञ्चनपुर:- जिल्ला कञ्चनपुर भिमदत्त न.पा.५ बनखेत स्थित लागूऔषधको कारोवार भई रहेको भन्ने गोप्य सुचनाको आधारमा अवैध लागूऔषध खैरो हिरोइन जस्तो देखिने धुलो पदार्थ ११ ग्राम ४० मिलिग्राम सहित सोही न.पा.६ बस्ने बर्ष ३० को हरिश प्रसाद जोशीलाई जिल्ला प्रहरी कार्यालय कञ्चनपुर र लागूऔषध नियन्त्रण ब्युरो शाखा कार्यालय महेन्द्रनगर, कञ्चनपुरबाट संयुक्त रुपमा खटिएको प्रहरी टोलीले बुधबार दिउँसो चेकजाँच गर्दा उक्त पदार्थ फेला पारी पक्राउ गरेको छ । यसैगरी, जिल्ला कञ्चनपुर भिमदत्त न.पा.३ राजीपुर स्थित गोप्य सुचनाको आधारमा अवैध लागूऔषध खैरो हिरोइन जस्तो देखिने धुलो पदार्थ १.३७ ग्राम सहित जिल्ला कैलाली जोशीपुर गा.पा.१ घर भई हाल भिमदत्त न.पा.३ राजीपुर डेरा गरी बस्ने वर्ष २२ को सुदिप चौधरीलाई अस्थायी प्रहरी पोष्ट गैलनदी, कञ्चनपुरबाट खटिएको प्रहरी टोलीले बुधबार दिउँसो चेकजाँच गर्दा उक्त पदार्थ फेला पारी पक्राउ गरेको छ । यसैगरी, जिल्ला कञ्चनपुर बेतकोट न.पा.६ सिसैयाबाट अवैध लागूऔषध खैरो हिरोइन जस्तो देखिने धुलो पदार्थ १५० मिलिग्राम सहित सोही न.पा.१० हरपाल बस्ने वर्ष २३ को मिन बहादुर ठगुन्ना समेत दुई जनालाई प्रहरी चौकी सुडा, कञ्चनपुरबाट खटिएको प्रहरी टोलीले बुधबार साँझ शंका लागी चेकजाँच गर्दा उक्त पदार्थ फेला पारी पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

आगलागीबाट विभिन्न धनमाल जलेर नष्ट

२०८३-०६-०१

कञ्चनपुर:- जिल्ला कञ्चनपुर भिमदत्त न.पा.४ बजार स्थित सोही ठाउँ बस्ने मोहन विष्टले सञ्चालन गरेको MD रेष्टुरेन्टको दोस्रो तलामा बिद्युतको लाइन सर्ट भई बुधबार दिउँसो आगलागी हुँदा अन्दाजी मुल्य रु.३५,००,०००।– (पइतिस लाख) बराबरको धनमाल जलेर नष्ट भएको छ, आगलागी स्थानिय प्रहरी र दमकलको सहयोगमा नियन्त्रणमा लिईएको हो ।

अबैध लागूऔषध सहित मानिस नियन्त्रणमा

२०८३-०५-३१

कैलाली:- जिल्ला कैलाली भजनी न.पा.३ कुसुमघाटबाट अवैध लागूऔषध ब्राउनसुगर जस्तो देखिने पदार्थ ५१० मिलिग्राम सहित घोडाघोडी न.पा.२ बस्ने वर्ष ३६ को कृष्ण चौधरीलाई मंगलबार दिउँसो इलाका प्रहरी कार्यालय भजनी, कैलालीबाट खटिएको प्रहरीले टोलीले शंका लागी चेकजाँच गर्दा उक्त पदार्थ फेला पारी पक्राउ गरेको छ । यसैगरी:- जिल्ला कैलाली भजनी न.पा.३ कुसुमघाटबाट गोप्य सुचनाको आधारमा अवैध लागूऔषध ब्राउनसुगर जस्तो देखिने पदार्थ ७५० मिलिग्राम सहित सोही न.पा.८ बस्ने वर्ष ३३ को देवेन्द्र शाही र जिल्ला अछाम, साँफेबगर न.पा.१० बस्ने वर्ष ३० को अनिल भुललाई प्रहरी चौकी जनकपुर, कैलालीबाट खटिएको प्रहरी टोलीले से.६ प ३६६२ र भे.३ प ९४८४ नम्बरको मोटरसाइकलमा सवार निजहरु दुवै जनालाई चेकजाँच गर्दा उक्त पदार्थ फेला पारी पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।