अवैध भन्सार छलिका सामान नियन्त्रणमा

२०८३-०६-०८

A
A^-
A⁺

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.६६,१७०।– बराबरको सुर्ति, सिद्रा माछा, किराना लगायतका सामानहरु बुधबार जिल्ला प्रहरी कार्यालय कैलाली मातहत कार्यालयबाट खटिएको प्रहरी टोलीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

सम्बन्धित समाचार

मृत अवस्थामा फेला

२०८३-०६-०८

कैलाली, टीकापुर नगरपालिका-२ मुलपानीस्थित कर्णाली नदीको किनारमा हाल नाम, थर र वतन नखुलेकी अन्दाजी ३५ वर्षीया महिला बुधबार मृत अवस्थामा फेला परेकी छिन् । यस सम्बन्धमा प्रहरीले आवश्यक अनुसन्धान गरिरहेको छ ।

जबरजस्ती करणी गरेको अभियोगमा पक्राउ

२०८३-०६-०८

कैलाली:- २६ वर्षीया महिलालाई जबरजस्ती करणी गरेको अभियोगमा कैलारी गाउँपालिका-८ बस्ने ३५ वर्षीय सुनिल कठरियालाई बुधबार दिउँसो प्रहरीले पक्राउ गरेको छ । सुनिलले ती महिलालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय बहुलियाबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अबैध लागूऔषध सहित मानिस नियन्त्रणमा

२०८३-०६-०८

कैलाली, गोदावरी नगरपालिका-१ अत्तरीयाबाट अवैध लागूऔषध खैरो हेरोइन जस्तो देखिने पदार्थ ११ ग्राम २ सय ८० मिलिग्राम सहित धनगढी उपमहानगरपालिका-७ क्याम्पसरोड बस्ने ३१ वर्षीय हितेश साहुलाई बुधबार दिउँसो प्रहरीले पक्राउ गरेको छ । सुदुर पश्चिम प्रदेश प्रहरी कार्यालय धनगढी समेतबाट खटिएको प्रहरीले उनलाई उक्त पदार्थ सहित पक्राउ गरेको हो । कञ्चनपुर:- जिल्ला कञ्चनपुर भिमदत्त न.पा.१८ कटान जानकी टोलबाट अवैध लागूऔषध खैरो हिरोइन जस्तो देखिने धुलो पदार्थ ११० मिलिग्राम सहित सोही न.पा.३ भाषी बस्ने १८ वर्षिय किशोरलाई जिल्ला प्रहरी कार्यालय कञ्चनपुर र लागूऔषध नियन्त्रण ब्युरो शाखा कार्यालय महेन्द्रनगरबाट संयुक्त रुपमा खटिएको प्रहरी टोलीले बुधबार दिउँसो शंका लागि चेकजाँच गर्दा उक्त पदार्थ फेला पारी पक्राउ गरेको छ । यसैगरी, जिल्ला कञ्चनपुर बेलौरी न.पा.७ बरैया स्थित लागूऔषधको कारोवार भई रहेको छ भन्ने गोप्य सुचनाको आधारमा अवैध लागूऔषध खैरो हिरोइन जस्तो देखिने पदार्थ २ ग्राम ३५० मिलिग्राम सहित शुक्लाफाँटा न.पा.९ नौखरी बस्ने वर्ष २६ को विक्रम डगौरा र ऐ. १० बस्ने वर्ष २२ को महेश चौधरीलाई इलाका प्रहरी कार्यालय बेलौरी, कञ्चनपुरबाट खटिएको प्रहरी टोलीले बुधबार साँझ चेकजाँच गर्दा उक्त पदार्थ फेला पारी निजहरुले प्रयोग गरेको शु.न.पा.ह ४० नम्वरको अटो सहित दुवै जनालाई पक्राउ गरेको छ ।

अवैध भरुवा बन्दुक सहित मानिस पक्राउ

२०८३-०६-०८

बझाङ:- जिल्ला बझाङ थलारा गा.पा.९ मालुमेला स्थित सडक खण्डमा सोही ठाउँ बस्ने वर्ष ४६ को डवल भण्डारीले एक नाले भरुवा बन्दुक थान-१ बोकी हिडिरहेको अवस्थामा बुधबार दिउँसो प्रहरी चौकी मटेला, बझाङबाट खटिएको प्रहरी टोलीले फेला पारी उक्त बन्दुक सहित निजलाई पक्राउ गरेको छ । यस सम्बन्धमा प्रहरीले थप अनुसन्धान गरिरहेको छ ।

मृत अवस्थामा फेला

२०८३-०६-०७

कैलाली:- जिल्ला कैलाली लम्कीचुहा न.पा.४ गिधिनिया बस्ने वर्ष ४० को अबिराम जैशी सोही ठाउँ स्थित बलिया चोक जोड्ने कच्ची सडक खण्डमा मंगलबार दिउँसो मृत अवस्थामा फेला परेका छन् । यसैगरी, जिल्ला कैलाली गौरीगंगा न.पा.८ लिक्मा बस्ने वर्ष ५४ को दुर्गा प्रशाद आचार्य आफ्नो घर नजिकै रहेको बाटो छेउको धान खेतमा मंगलबार दिउँसो मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।

फरार प्रतिवादी पक्राउ

२०८३-०६-०७

डोटी:- फैसला कार्यान्वयनको सिलसिलामा बैदेशिक रोजगार न्यायधिकरण बबरमहल, काठमाण्डौँको मिति २०८२।०२।१३ गतेको फैसलाले बैदेशिक रोजगार कसुर मुद्दामा १ वर्ष ५ महिना ६ दिन कैद सजाय, रु.५०,०००।– (पचास हजार) जरिवाना र रू.६,०००।– ( छ हजार) क्षेतिपुर्ती तोकिएको बडिकेदार गा.पा.२ गाँडेसाल बस्ने वर्ष २८ को प्रकाश बहादुर रोक्का मगरलाई प्रहरी चौकी खड्यौली, डोटीबाट खटिएको प्रहरी टोलीले मंगलबार दिउँसो निजकै घर ठेगानाबाट पक्राउ गरेको छ ।