कैलाली - सुदूरपश्चिम प्रदेश प्रहरी प्रमुख प्रहरी नायब महानिरीक्षक सानुराम भट्टराईज्यूको प्रमुख आतिथ्यतामा ७१औँ प्रहरी दिवस, २०८३ को अवसरमा सुदूरपश्चिम प्रदेश प्रहरी कार्यालय, धनगढी, कैलालीको आयोजनामा सुदूरपश्चिम प्रदेश प्रहरी अस्पताल शाखा, धनगढीमा एकदिने रक्तदान कार्यक्रम सम्पन्न भएको छ।

उक्त कार्यक्रममा नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय, अत्तरियाका प्रमुख प्रहरी उपरीक्षक नवराज कार्की, जिल्ला प्रहरी कार्यालय, कैलालीका प्रमुख प्रहरी उपरीक्षक नरेन्द्र चन्द, सुदूरपश्चिम प्रदेश प्रहरी गण, धनगढी, कैलालीका प्रमुख प्रहरी उपरीक्षक वीरेन्द्र थापा, सुदूरपश्चिम प्रदेश प्रहरी अस्पताल शाखा, धनगढीका निमित्त कार्यालय प्रमुख प्रहरी नायब उपरीक्षक डा. राजन सुवेदी, सिनियर प्रहरी अधिकृत तथा जुनियर प्रहरी अधिकृतहरू लगायत अन्य सकल दर्जाका प्रहरी कर्मचारीहरूको उपस्थिति रहेको थियो।