फरार प्रतिबादी पक्राउ

२०८१-०१-१०

A
A^-
A⁺

कैलाली:- सम्मानित जिल्ला अदालत कैलालीको फैसलाले चेक अनादर मुद्दामा रु.५,०१,०००।–(पाँच लाख एक हजार) र जाल साक्षी मुद्दामा रु.८,६०,०००।-(आठ लाख साठी हजार) जरिवाना ठहर भई फरार रहेकी जिल्ला कैलाली, धनगढी उ.म.न.पा.८ बस्ने बर्ष ४० की चन्द्रादेवी बोहरालाई आईतबार जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको हो । फैसला कार्यान्वयनको लागि निजलाई प्रहरीले सम्मानित अदालत समक्ष पेश गरेको हो ।

सम्बन्धित समाचार

सवारी दुर्घटनामा मृत्यु

२०८१-०१-२३

डडेल्धुरा:- मिति २०८१।०१।२२ गते २२:३० बजेको समयमा जिल्ला डडेल्धुरा, नवदुर्गा गा.पा.४ सिरुडा स्थित भित्री सडक खण्डमा बेलापुरबाट सिरुडा रामजाने कन्ट्रक्सन प्रा.लि.को क्याम्प तर्फ जाँदै गरेको बागमती प्रदेश ०१-००१ क ९६५१ नम्बरको टिप्पर अनियन्त्रित भई सडकबाट अन्दाजी २५० मिटर तल खसेर चालक जिल्ला धादिङ गजुरी गा.पा. ७ बस्ने बर्ष अन्दाजी ४० को धिरज थापामगर र ऐ. रोडाङ गा.पा. बस्ने बर्ष अन्दाजी २७ को बिष्णु बि.क. को उपचारको क्रममा डडेल्धुरा अस्पताल डडेल्धुरामा मृत्यु भएको, दुर्घटनामा घाईते भएका जिल्ला धादिङ, रोडाङ गा.पा. बस्ने बर्ष अन्दाजी ३१ को सुदिप बि.क र जिल्ला, डडेल्धुरा नवदुर्गा गा.पा. ४ बस्ने बर्ष अन्दाजी २८ को हिक्मत बि.क.को डडेल्धुरा अस्पताल डडेल्धुरामा उपचार भईरहेको, अवस्था मध्यम ।

अबैध लागू औषध सहित मानिस पक्राउ

२०८१-०१-२३

कैलाली:- मिति २०८१।०१।२२ गते १९:०० बजेको समयमा जिल्ला कैलाली, धनगढी उ.म.न.पा.७ देबरियाबाट सोही ठाउँ बस्ने बर्ष २८ को सेवालाल राना, बर्ष ३० को राम गोपाल राना र बर्ष २४ को अभिषेक रानालाई ७२० मिलिग्राम लागू औषध खैरो हेरोईन जस्तो देखिने धुलो पदार्थ सहित नियन्त्रणमा लिईएको, थप अनुसन्धान भईरहेको ।

पानिमा डुबी मृत्यु

२०८१-०१-२३

कञ्चनपुर:- मिति २०८१।०१।२२ गते १६:५५ बजेको समयमा जिल्ला कञ्चनपुर, बेलौरी न.पा.५ भुकुण्डा स्थित दोदा नदिमा बेलौरी न.पा.७ शान्तिपुर बस्ने बर्ष अन्दाजी १७ को राजेन्द्र कुँवर र बर्ष अन्दाजी १७ को बिजय कुँवर नुहाउने क्रममा पानीमा डुबी मृत्यु भएको । खबर प्राप्त हुनासाथ ईलाका प्रहरी कार्यालय बेलौरी, कञ्चनपुरबाट प्रहरी टोली खटिई गई निजलाई मृत अवस्थामा फेला पारेको । यस सम्बन्धमा प्रहरीले आवश्यक अनुसन्धान गरिरहेको ।

आगलागीबाट बिभिन्न धनमाल जलेर नष्ट

२०८१-०१-२३

बाजुरा:- मिति २०८१।०१।२२ गते १३:१० बजेको समयमा जिल्ला बाजुरा, स्वामीकार्तीक खापर गा.पा.३ बस्ने अम्मर कट्टेलको ढुङ्गा माटोले बनेको खरले छाएको ३ तले ९ कोठे कच्ची घर, पवन कट्टेलको ढुङ्गा माटोले बनेको खरले छाएको गाईवस्तु बाध्ने २ तले गोठ र गौरी कट्टेल समेतको घरमा आगलागी हुँदा घर र गाईगोठ भित्र रहेका खाद्यान्न, लत्ताकपडा,भाडा बर्तन, काठ लगायतका सामानहरु जलेर नष्ट भएको, मानबिय तथा चौपाया क्षती नभएको, क्षतीको एकिन विवरण आउन वाँकि रहेको, स्थानिय र प्रहरीको सहयोगमा आगलागी नियन्त्रणमा लिईएको, सो सम्बन्धमा प्रहरीले आवश्यक अनुसन्धान गरिरहेको ।

अबैध भन्सार छलिका सामान बरामद

२०८१-०१-२३

कैलाली:- मिति २०८१।०१।२२ गते कैलाली जिल्लाको बिभिन्न स्थानहरु धनगढी उ.म.न.पा.१० चकमेलीघाट, ऐ. १५ कनरी र टीकापुर न.पा.१ नयाँबस्ती स्थित भित्रि सडक खण्डबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.३४,५४०।– बराबरको प्राउन, पेय पदार्थ, बोईलर कुखुरा, माछा लगायतका सामानहरु जिल्ला प्रहरी कार्यालय कैलाली मातहत प्रहरी कार्यालयहरुबाट खटिएको प्रहरी गस्ती टोलीले फेला पारी नियन्त्रणमा लिएको । कञ्चनपुर:- मिति २०८१।०१।२२ गते०६:३० बजेको समयमा जिल्ला कञ्चनपुर, पुनर्वास न.पा. ४ “घ” गाँउ बाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२४,६००।–बराबरको पेय पदार्थ,बोईलर कुखुरा, माछा लगायतका सामानहरु इलाका प्रहरी कार्यालय त्रिभुवनबस्ती, कञ्चनपुरबाट खटिएको प्रहरी गस्ती टोलीले फेला पारी नियन्त्रणमा लिएको ।

अबैंध भन्सार छलीका सामान सहित मानिस नियन्त्रणमा

२०८१-०१-२३

धनगढी, २३ बैशाख ।कैलाली:- मिति २०८१।०१।२३ गते १२:०० बजेको समयमा जिल्ला कैलाली, धनगढी उ.म.न.पा.४ ओमशान्ती टोलमा अबैंध रुपमा भारतबाट भन्सार छलि गरि ल्याएका सामानहरु लुकाई छिपाई राखेको छ भन्ने गोप्य सुचनाको आधारमा जिल्ला प्रहरी कार्यालय कैलालीबाट खटिएको प्रहरी टोलीले देश भारत, जिल्ला लखिमपुर खिरी स्थायी घर भई हाल जिल्ला कैलाली, धनगढी उ.म.न.पा.४ ओमशान्ती टोल स्थित कोठा गरी बस्ने बर्ष २३ को आयुष गुप्ताको कोठामा चेकजाँच गर्दा SAMSUNG सादा सेट- ५८ थान, NOKIA सादा सेट -५२ थान, GLASS -२६ पाकेट, विभिन्न कम्पनिको CAMERA GLASS- ३२८ पीस, चार्जर कनेक्टर- २ रोल, OCEA सेट -९ बण्डल, सादा सेट DISPLAY -३७९ पीस, सादा सेटको हाउजिङ -२१ पीस, सिमकार्ड ट्रे -२८० पीस,रिपेयरिङ म्याट -४ पीस, मोवाईल पार्टस- ६ डिब्बा,मोवाइल फोल्डर -३३९ पीस सहित अन्दाजी मूल्य रु.५,३२,८१०।- बराबरको मोबायलका सामानहरु फेला पारी नियन्त्रणमा लिएको । उल्लेखित सामान र मानिसलाई आवश्यक कारबाहीको लागि कैलाली भन्सार कार्यालय त्रिनगरमा बुझाएको ।