कैलाली:- मिति २०८१।०६।२९ गते १८:५० बजेको समयमा जिल्ला कैलाली, भजनी न.पा.७ चर्रा स्थित हुलाकी सडक-खण्डमा से १ त १७८६ नम्बरको ट्याक्टर र से ६ प १०६१ नम्बरको मोटरसाइकल एक आपसमा ठोक्किदा मोटरसाइकल चालक जिल्ला कैलाली, कैलारी गा.पा.५ बस्ने बर्ष २२ को आसिस कुमार चौधरी गम्भिर घाईते भई उपचारको लागि नवजीवन अस्पताल धनगढी लगिएकोमा चिकित्सकले चेकजाँच गर्दा मृत्यु घोषणा गरेको,  मोटरसाइकलमा पछाडी सवार सोही ठाउँ बस्ने बर्ष २२ को डेबिट चौधरीको नवजीवन अस्पताल धनगढीमा उपचार भईरहेको, ट्याक्टर र ट्याकटर चालक जिल्ला कैलाली, भजनी न.पा.७ बस्ने बर्ष ५२ को शिब कुमार अहीरलाई प्रहरीले नियन्त्रणमा लिई आवश्यक अनुसन्धान गरिरहेको  । 

    डडेल्धुरा:- मिति २०८१।०६।३० गते ००:३० बजेको समयमा जिल्ला डडेल्धुरा, अमरगढी न.पा. ७  खस्रेखाँन स्थित राजमार्गमा महेन्द्रनगरबाट पुर्चौडी बैतडी तर्फ जाँदै गरेको पवनदुत यातायातको ना ८ ख १०७८ नम्बरको बस सडकबाट अन्दाजी २५०/३०० मिटर तल खसेर दुर्घटना हुँदा बसमा सवार जिल्ला बैतडी, पुर्चौडी न.पा.३ बस्ने बर्ष ४५ की जैमती बोहरा, ऐ.ऐ. बस्ने कमला बोहराको छोरा २ दिनको नाबालक, ऐ.ऐ. बस्ने बर्ष २२ को सहदेव बोहरा , ऐ.ऐ. बस्ने बर्ष २१ की कमला बोहरा र ऐ. १० बस्ने बर्ष ७० कि गोबरी महरा समेत ५ (पाँच) जनाको मृत्यु भएको, जिल्ला डडेल्धुरा, आलिताल गा.पा. १ बस्ने बर्ष २१ को मुकुन्द बोहरा र चालक जिल्ला बैतडी, पुर्चौडी न.पा. ८ बस्ने बर्ष २४ को बिरेन्द्र बोहरालाई थप उपचारको लागि धनगढी रिफर गरेको, अन्य १० जना घाईतेहरुको डडेल्धुरा अस्पतामा उपचार भईरहेको ।