भिरबाट लडेर मृत्यु

२०८३-०१-०९

A
A^-
A⁺

बाजुरा:- जिल्ला बाजुरा गौमुल गा.पा. वडा नं. ६ बस्ने बर्ष अं. २८ को पदम लुहार ऐ.ऐ. स्थित बामनी जङ्गलमा बाख्रा चराउने क्रममा भिरबाट लडेर मंगलबार बिहान मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।

सम्बन्धित समाचार

नदिमा डुवी वेपता

२०८३-०१-०९

डोटी :- जिल्ला बैतडी दशरथ चन्द न.पा.२ घर भई हाल जिल्ला डोटी दिपायल सिलगढी न.पा.५ घोलतडा बस्ने बर्ष अं. २१/२२ को दिपक बोहरा जिल्ला डोटी दिपायल सिलगढी न.पा.५ घोलतडा स्थित सेती नदिमा नुहाउने क्रममा मंगलबार दिउसो डुबी हराई बेपत्ता भएको हो, निजको खोजतलास भईरहेको छ ।

जबरजस्ती करणी गरेको अभियोगमा पक्राउ

२०८३-०१-०९

अछाम :- ३० वर्षीया महिलालाई जबरजस्ती करणी गरेको अभियोगमा जिल्ला मकवानपुर हेटौंडा उ.म.न.पा.-२ बस्ने वर्ष अं.५८ को राजन फुयाँल शर्मालाई मंगलबार प्रहरीले पक्राउ गरेको छ । शर्माले ती महिलालाई जबरजस्ती करणी गरेको भन्ने उजुरीको आधारमा जिल्ला प्रहरी कार्यालय अछामबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८३-०१-०९

कैलाली:- जिल्लाको विभिन्न स्थानहरुबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. १,६८,०५०।– बराबरको किराना समान, सिद्रा माछा लगायत अन्य सामानहरु मंगलबार जिल्ला प्रहरी कार्यालय कैलाली तथा मातहतबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कञ्चनपुर:- जिल्लाको विभिन्न स्थानहरुबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. ५,०९,७००।– बराबरको फेन्सी सामान सहित , बा.५२ प.२४३६ को मो.सा. थान-१ मंगलबार जिल्ला प्रहरी कार्यालय कञ्चनपुर तथा मातहतबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । दार्चुला:- जिल्ला दार्चुला लेकम गा.पा.५ चौपाता स्थितबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. ५२,०१०।– बराबरको श्रृङ्गार लगायत अन्य सामानहरु मंगलबार इलाका प्रहरी कार्यालय रिठाचौपाता,दार्चुलाबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

धारिलो हतियार प्रहार गरी मानिसको हत्या

२०८३-०१-०८

कञ्चनपुर :- मिति २०८३।०१।०८ गते ०१:३६ बजेको समयमा जिल्ला कञ्चनपुर पुर्नवास न.पा. ५ भानुबस्ती स्थित ऐ.ऐ. बस्ने वर्ष १८ को उज्जल सायरलाई नामथर वतन नखुलेको व्याक्तिले छातीमा धारिलो हतियार प्रहार गर्दा गम्भिर घाईते बनाई भागी फरार रहेको, घाइते उज्जल सायरको उपचारको क्रममा मायामेट्रो अस्पताल धनगढीमा मृत्यु भएको, घटना स्थलमा इलाका प्रहरी कार्यालय त्रिभुवनवस्ती,कञ्चनपुरबाट प्रहरी टोली खटि गई धारिलो हतियार प्रहार गर्ने व्यक्तिको खोजतलास भईरहेको, घटना सम्बन्धमा आवश्यक अनुसन्धान भईरहेको ।

अबैध भन्सार छलिका सामान नियन्त्रणमा

२०८३-०१-०८

कञ्चनपुर:- जिल्लाको विभिन्न स्थानहरुबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. १,७८,२००।–बराबरको किराना समान, कपडा, पंख्खा र साईकलका टायर लगायत अन्य सामानहरु सोमबार जिल्ला प्रहरी कार्यालय कञ्चनपुर तथा मातहतबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

फरार प्रतिवादी पक्राउ

२०८३-०१-०८

कैलाली :- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले चोरी मुद्दामा १ महिना १५ दिन कैद सजाय र रु. १५,०००।– जरीवाना तोकिएको जिल्ला कैलाली घोडाघोडी नगरपालीका वडा १ बस्ने बर्ष २४ को जिबन कुमार पार्कीलाई इलाका प्रहरी कार्यालय सुख्खड,कैलालीबाट खटिएको प्रहरी टोलीले सोमबार निजको घर ठेगानाबाट पक्राउ गरेको हो ।