कैलाली:- जिल्ला कैलाली धनगढी उ.म.न.पा.१ शिवनगर टिकटक पुल नजिकबाट अवैध लागूऔषध चरेश जस्तो देखिने कालो पदार्थ ३ ग्राम ६०० मिलिग्राम र ३५ ग्राम हरियो गाँजाको पात सहित ५ जनालाई शुक्रबार साँझ प्रहरीले पक्राउ गरेको छ । पक्राउ पर्नेहरूमा सोही उ.म.न.पा. ८ बस्ने बर्ष ५६ को शेर बहादुर चौधरी, ऐ. १५ बस्ने बर्ष ३० को रामस्वरुप राना, कैलारी गा.पा.५ बस्ने बर्ष २५ को शिवा चौधरी, जिल्ला कञ्चपुर बस्ने बर्ष २० को रोशन राना र देश भारत लखिमपुर खिरी बस्ने बर्ष २६ को महोमद आसीप रहेका छन् । जिल्ला प्रहरी कार्यालय कैलालीबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । 

    यसैगरी,  जिल्ला कैलाली टिकापुर न.पा.९ खक्रौलाबाट अवैध लागूऔषध खैरो हिरोईन जस्तो देखिने धुलो पदार्थ १ ग्राम ६९० मिलिग्राम सहित २ जनालाई शुक्रबार साँझ प्रहरीले पक्राउ गरेको छ । पक्राउ पर्नेहरूमा जिल्ला कैलाली, लम्कीचुहा न.पा.१ बस्ने बर्ष २० को लक्ष्मण शाही र सोही ठाउँ बस्ने बर्ष २६ को प्रकाश रिमाल रहेका छन् ।इलाका प्रहरी कार्यालय टिकापुर र प्रहरी चौकी कालाकुण्डा, कैलालीबाट संयुक्त रुपमा खटिएको प्रहरी टोलीले भारतबाट नेपालतर्फ आउँदै गरेको से ५ प ४४४० नम्बरको मोटरसाइकलमा सवार उनीहरूलाई शंका लागि चेकजाँच गर्दा उक्त पदार्थ फेला पारि उक्त पदार्थ, मोटरसाइकल सहित निजहरु दुवै जनालाई पक्राउ गरेको हो ।

     कञ्चनपुर:- जिल्ला कञ्चनपुर बेलौरी न.पा. ७ पौलाहाबाट १ ग्राम ४१० मिलिग्राम लागूऔषध खैरो हेरोईन जस्तो देखिने धुलो पदार्थ सहित जिल्ला कैलाली धनगढी उ.म.न.पा.१३ राजपुर बस्ने बर्ष १९ को जनक राम रानालाई शुक्रबार साँझ प्रहरीले पक्राउ गरेको हो । भारतबाट नेपाल तर्फ आउँदै गरेको अवस्थामा इलाका प्रहरी कार्यालय बेलौरी, कञ्चनपुरबाट खटिएको प्रहरी टोलीले निजलाई शंका लागि चेकजाँच गर्दा उक्त पदार्थ फेला पारी आवश्यक प्रक्रिया पुरा गरि पक्राउ गरेको हो ।