फरार प्रतिबादी पक्राउ

२०८३-०७-०६

A
A^-
A⁺

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको लागु औषध मुद्धामा १ महिना कैद तोकी फरार रहेको प्रतिवादी जिल्ला कैलाली टीकापुर नगरपालिका वडा नं. १ शक्तीनगर शिबिर बस्ने २६ को श्यामु चौधरी भन्ने ( श्यामु थारु ) लाई इलाका प्रहरी कार्यालय टिकापुर कैलालीबाट खटिएको प्रहरी टोलीले बिहीबार साँझ पक्राउ गरेको ।

सम्बन्धित समाचार

अवैध लागूऔषध सहित मानिस नियन्त्रणमा

२०८३-०७-०६

कैलाली:- जि.कैलाली भजनी नगरपालिका वडा नं.३ पडरीया स्थित इलाका प्रहरी कार्यालय भजनी कैलालीबाट खटिएको प्रहरी टोलीले गोप्य सुचनाको आधारमा बिहीबार दिउसो सोही ठाँउ बस्ने अन्दाजी बर्ष २८ को हरि प्रसाद डगौराको घर कोठामा खानतलासी गर्दा शुद्ध तौल ७७० मिलिग्राम लागु औषध खैरो हिरोईन जस्तो देखिने धुलो पदार्थ फेला पारी उक्त पदार्थ सहित निजलाई बिहीबार दिउसो नियन्त्रणमा लिएको । यसै गरी जिल्ला कैलाली धनगढी उ.म.न.पा.७ मनेहरा स्थित बिहीबार साँझ अस्थायी प्रहरी पोष्ट मनेहरा कैलालीबाट खटिएको प्रहरी टोलीले ऐ.ऐ. १२ मनेहरा पुरानो शिविर‍ बस्ने वर्ष १८ को एकजना किसोरलाई शंका लागी चेकजाँच गर्दा निजको साथबाट शुद्ध तौल ७० मिलिग्राम लागु औषध खैरो हिरोईन जस्तो देखिने धुलो पदार्थ फेला पारी उक्त पदार्थ सहित निजलाई नियन्त्रणमा लिएको । यस सम्बन्धमा प्रहरीले आवश्यक अनुसन्धान गरिरहेको । कञ्चनपुर:- जिल्ला कञ्चनपुर पुनर्वास न.पा-११ डोकेबजार स्थित बिहिबार साँझ भारतबाट नेपाल तर्फ आउदै गरेको पैदलयात्री जिल्ला कैलाली गोदावरी नगरपालिका वडा नं. -५ गेटा बस्ने अन्दाजी बर्ष १९ को कुशल बिष्टलाई शंका लागि चेकजाँच गर्ने क्रममा निजको साथबाट शुद्ध तौल ४५० मिलिग्राम खैरो हिरोईन जस्तो धूलो पदार्थ फेला पारी उक्त पदार्थ सहित चार जनालाई नियन्त्रणमा लिएको । यस सम्बन्धमा प्रहरीले आवश्यक अनुसन्धान गरिरहेको ।

फरार प्रतिबादी पक्राउ

२०८३-०७-०५

कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कञ्चनपुरको मिति २०८१।०२।०४ गतेको फैसलाले लागुऔषध खैरो हेरोईन सम्बन्धी मुद्दामा ८ महीना १९ दिन कैद सजाय तोकिएको फरार प्रतिवादी जिल्ला कञ्चनपुर बेलौरी नगरपालिका वडा नं. ६ बस्ने बर्ष २९ को टेक बहादुर चौधरीलाई इलाका प्रहरी कार्यालय बेलौरी कञ्चनपुरबाट खटिएको प्रहरी टोलीले बुधबार साँझ पक्राउ गरेको ।

अवैध लागूऔषध सहित मानिस नियन्त्रणमा

२०८३-०७-०५

कैलाली:- जिल्ला कैलाली धनगढी उ.म.न.पा.४ दक्षिणकाली मार्ग स्थित बुधबार साँझ जिल्ला कैलाली गोदावारी नगरपालिका वडा नं. ९ बस्ने बर्ष १९ को सन्जय राना, जिल्ला कंञ्चनपुर कृष्णपुर नगरपालिका वडा नं. ७ कलुवापुर बस्ने बर्ष १९ को घनश्याम राना र एकजना १८ बर्षे किसोरलाई जिल्ला प्रहरी कार्यालय कैलाली समेतबाट खटिएको प्रहरी टोलीलाई शंका लागि चेकजाँच गर्दा निजहरुको साथबाट शुद्ध तौल ३ ग्राम ५८ मिलिग्राम लागु औषध ब्राउन सुगर जस्तो देखिने धुलो पदार्थ फेला पारी उक्त पदार्थ सहित तीनै जनालाई नियन्त्रणमा लिएको । यस सम्बन्धा प्रहरीले आबश्यकक अनुसन्धान गरिरहेको ।

नियन्त्रित लागूऔषध सहित मानिस नियन्त्रणमा

२०८३-०७-०४

कञ्चनपुर:- जिल्ला कञ्चनपुर दोधारा चाँदनी नगरपालिका १ मलेरिया पुल स्थित मंगलबार साँझ इलाका प्रहरी कार्यालय दोधारा चाँदनी कञ्चनपुरबाट खटिएको प्रहरी टोलीले भारतबाट नेपाल तर्फ आउदै गरेको जिल्ला कञ्चनपुर भिमदत्त नगरपालिका वडा नं. १८ जानकी टोल बस्ने बर्ष २४ को रमेश दमाईलाई शंका लागी चेकजाँच गर्दा निजको साथबाट फेनारगन ६१ एमपुल साबुत र १४ एमपुल फुटेको, बि.जेसिक ५४ एमपुल साबुत र २३ एमपुल फुटेको फेला पारी उक्त पदार्थ सहित निजलाई नियन्त्रणमा लिएको । यस सम्बन्धमा प्रहरीले आबश्यक अनुसन्धान गरिरहेको ।

अवैध भन्सार छलिका सामान नियन्त्रणमा

२०८३-०७-०३

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु. १,२९,३००।– बराबरको सुर्ती, सलाई, सुकेको मटर, डिजाईनिङ लेस, कपडामा प्रयोग गर्ने बुट्टा र बोयलर कुखुरा लगायतका सामानहरु सोमबार जिल्ला प्रहरी कार्यालय कैलाली मातहत कार्यालयबाट खटिएको प्रहरीले टोलिले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ । कञ्चनपुर:- कञ्चनपुर जिल्लाको भिमदत्त न.पा.१७ बनगाँउ स्थित अवैध रुपमा भारतबाट भन्सार छलि गरी ल्याएका अन्दाजी मूल्य रु. ३४,०००।– बराबरको झ्याल र ढोकाका पर्दाहरु सोमबार दिउसो जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरीले टोलिले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

अबैध लागूऔषध सहित मानिस नियन्त्रणमा

२०८३-०७-०३

कञ्चनपुर:- जिल्ला कञ्चनपुर भि.न.पा.११ ब्यारल चेकपोष्ट स्थित सोमबार साँझ इलाका प्रहरी कार्यालय गड्डाचौकी कञ्चनपुरबाट खटिएको प्रहरी टोलीले भारत पिलिभित न्युरिया कलौनी बस्ने अं.३२ को अमित हलदरलाई भारतबाट नेपाल आउने क्रममा शांका लागी चेकजाँच गर्दा निजको साथबाट शुद्ध तौल ०.१० ग्राम लागु औषध खैरो हिरोईन जस्तो देखिने धुलो पदार्थ फेला पारी उक्त पदार्थ सहित निजलाई नियन्त्रणमा लिएको । यस सम्बन्धमा प्रहरीले आबश्यक अनुसन्धान गरिरहेको ।