डोटी:-जिल्ला डोटी, शिखर न.पा. वडा नं. ०६ अण्यौल स्थित के.आई. सिंह राजमार्गमा धनगढीबाट बाजुरा तर्फ जाँदै गरेको ग २ च २७७६ नम्बरको बोलेरो जिप एक्कासी अनियन्त्रित भइ सडकबाट अन्दाजी ५०/६० मिटर तल खसेर आईतबार बिहान अन्दाजी ०२:२८ बजेतिर दुर्घटना हुँदा उक्त बोलेरोमा सवार चालक सहित १० जना मध्ये,सवार जिल्ला बाजुरा हिमाली गा.पा. ५ बस्ने बर्ष २२ की राधिका मलाल,ऐ. बस्ने बर्ष ३२ की धनशोभा बुढा,ऐ. बस्ने धनशोभा बुढाको छोरा बर्ष अन्दाजी ६ को कबिन्द्र बुढा,ऐ. बस्ने बिमला मलाल कि छोरी अन्दाजी ८ महिना की प्रार्थना मलालको घट्नास्थलमै मृत्यु भएको छ । साथै दुर्घटनमा घाइते भएका बोलेरोमा सवार अन्य ५ जनाको शैलेश्वरी अस्पताल दिपायल डोटीमा उपचार भईरहेको छ ।  बोलेरो चालक जिल्ला बाजुरा,गौमुल गा.पा. वडा नं. ४ काँडाकोट बस्ने बर्ष २१ को महेश बुढालाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको  छ ।