कैलाली:- जिल्ला कैलाली, धनगढी उ.म.न.पा. ३ ब्लु स्टार होटलमा जुवातास खेलिरहेको अवस्थामा जिल्ला कञ्चनपुर, शुक्लाफाँटा न.पा.१ कालागौडी घर भई धनगढी कोठागरी बस्ने बर्ष ३५ को हेमराज अवस्थी समेत ३ जनालाई आईतबार साँझतिर प्रहरीले पक्राउ गरेको छ । बिशेष सूचनाको आधारमा वडा प्रहरी कार्यालय धनगढी,कैलालीबाट खटिएको प्रहरी टोलीले उनीहरूलाई नगद रु. ६७,६५६।–(सतसठ्ठी हजार छ सय छपन्न ) र तास ३ गड्डी सहित पक्राउ गरेको हो । यस  सम्बन्धमा प्रहरीले आवश्यक अनुसन्धान गरिरहेको छ ।

     यसैगरि, जिल्ला कैलाली, घोडाघोडी न.पा.१ सुन्दरपुर स्थित मानिस नबस्ने खाली कटेरोमा जुवातास खेलिरहेको अवस्थामा सोही ठाँउ बस्ने बर्ष ४२ को हेम कार्की समेत ४ जनालाई आईतबार राती प्रहरीले पक्राउ गरेको छ । बिशेष सूचनाको आधारमा ईलाका प्रहरी कार्यालय सुखड,कैलालीबाट खटिएको प्रहरी टोलीले उनीहरूलाई नगद रु. ६३,२५०।- (त्रिसठ्ठी हजार दुई सय पचास ) र तास १ गड्डी सहित पक्राउ गरेको हो । यस  सम्बन्धमा प्रहरीले आवश्यक अनुसन्धान गरिरहेको छ ।