कैलाली:- जिल्ला कैलाली, धनगढी उ.म.न.पा. १ बालुवाघाटबाट ६०० मिलिग्राम लागू औषध खैरो हेरोईन जस्तो देखिने धुलो पदार्थ सहित ऐ.३ बस्ने १८ बर्षिय किशोर समेत दुई जनालाई मंगलबार दिउँसो प्रहरीले पक्राउ गरेको हो । जिल्ला प्रहरी कार्यालय कैलालीबाट खटिई गएको प्रहरी टोलीले शंका लागी चेकजाँच गर्दा निजहरुको साथबाट उक्त पदार्थ फेला पारी दुबै जनालाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

   कञ्चनपुर:- जिल्ला कञ्चनपुर, कृष्णपुर न.पा. २ बंक स्थित “होटल माँ डिलासैनी गेष्ट हाउस एण्ड लज”बाट  ९२.४२ ग्राम लागू पदार्थ चरेश जस्तो देखिने कालो पदार्थ सहित होटेल सञ्चालक बर्ष ४८ को पदम बहादुर कार्कीलाई मंगलबार साँझतिर प्रहरीले पक्राउ गरेको हो । गोप्य सूचनाको आधारमा ईलाका प्रहरी कार्यालय गुलरिया कञ्चनपुरबाट खटिई गएको प्रहरी टोलीले निजले आफ्नै घरमा सञ्चालन गरेको उक्त होटेलमा चेकजाँच गर्दा उल्लेखित पदार्थ फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

   यसैगरि, जिल्ला कञ्चनपुर, भिमदत्त न.पा.१० गड्डाचौकीबाट २.०७ ग्राम लागू औषध खैरो हेरोईन जस्तो देखिने धुलो पदार्थ सहित  ऐ. बेदकोट न.पा.६ बस्ने बस्ने वर्ष २७ को चक्र घटाल र ऐ.बस्ने वर्ष २४ को दिल्ली राज भाटलाई मंगलबार साँझतिर प्रहरीले पक्राउ गरेको हो । लागू औषध नियन्त्रण ब्युरो शाखा कार्यालय महेन्द्रनगरबाट खटिई गएको प्रहरी टोलीले  शंका लागी चेकजाँच गर्दा निजहरुको साथबाट उक्त पदार्थ फेला पारी निज दुबै जना सहित स्कुटी थान १ प्रहरीले पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।