कैलाली:- मिति २०८१।०५।०८ गते १७:३० बजेको समयमा लागु औषध (चरेश) ओसार पसार तथा कारोवार भईरहेको भन्ने विशेष सुचनाको आधारमा इलाका प्रहरी कार्यालय मालाखेती, कैलालीबाट खटिएको प्रहरी टोलीले जिल्ला कैलाली, गोदावरी न.पा.२ तेघरी खानेपानी टोलबाट सोही ठाउँ बस्ने वर्ष ४५ की मंगली देवी धामीको घरमा रितपुर्वक खानतलासी गर्दा घरको कोठा भित्र लुकाई छिपाई राखेको अवस्थामा १६ किलो १८० ग्राम लागू औषध चरेश जस्तो देखिने कालो पदार्थ र नापतौल गर्ने तराजु समेत फेला पारि उक्त पदार्थ, तराजु र निजलाई नियन्त्रणमा लिएको, थप अनुसन्धान भईरहेको ।

    दार्चुला:- मिति २०८१।०५।०८ गते २१:३० बजेको समयमा इलाका प्रहरी कार्यालय गोकुलेश्वर, दार्चुलाबाट खटिएको प्रहरी टोलीले जिल्ला दार्चुला, शैल्यशिखर न.पा.९ गोकुलेश्वर बजार स्थित चौलानि पुल नजिक बैतडीबाट गोकुलेश्वर दार्चुला तर्फ आइरहेको ऐ. गाजरी बस्ने वर्ष २० को सुरज महरले चलाएको सु.प.प्र.०१-००१ प २०६९ नम्बरको मोटरसाइकलाई शंका लागि चेकजाँच गर्दा मोटरसाइकलको हेडलाइटको माथि लुकाइ छिपाई राखेको अवस्थामा १ ग्राम लागू औषध खैरो हिरोईन जस्तो देखिने धुलो पदार्थ र नगद रु.३८,५६५ फेला पारि उक्त पदार्थ, नगद रकम, मोटरसाइकल, मोटरसाइकल चालक सहित पछाडी सवार १७ बर्षिय किशोर समेत २ जनालाई नियन्त्रणमा लिएको, थप अनुसन्धान भईरहेको ।