कञ्चनपुर:- मिति २०८१।०९।०४ गते १७:३० बजेको समयमा लागू औषध चरेशको कारोवार भईरहेको भन्ने सुचनाको आधारमा जिल्ला कञ्चनपुर, भिमदत्त न.पा. ६ ऐठपुर नवदुर्गा मार्ग स्थित सोही ठाउँ बस्ने बर्ष ७२ को प्रमानन्द भट्टको घर-कोठाबाट लुकाई छिपाई राखेको अवस्थामा १ किलो ४७० ग्राम लागू औषध चरेश जस्तो देखिने कालो पदार्थ बरामद गरी उक्त पदार्थ, निज प्रमानन्द भट्ट र लागू औषध खरिद गर्ने ऐ. ४ बस्ने १८ बर्षिय किशोर समेतलाई जिल्ला प्रहरी कार्यालय कञ्चनपुर र वडा प्रहरी कार्यालय महेन्द्रनगर, कञ्चनपुरबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।      

        कैलाली:-  मिति २०८१।०९।०४ गते १९:०० बजेको समयमा जिल्ला कैलाली, धनगढी उ.म.न.पा. ४ संचयकोष कार्यालय नजिकबाट जिल्ला बैतडी, दोगडाकेदार गा.पा. घर भई हाल धनगढी उ.म.न.पा. ४ बस्ने बर्ष २५ को हेमन्त कार्की र जिल्ला बझाङ केदारस्यु गा.पा.२ घर भई हाल धनगढी उ.म.न.पा. २ बस्ने बर्ष २० को पारस रावललाई ३२० मिलिग्राम लागू औषध खैरो हेरोइन जस्तो देखिने धुलो पदार्थ सहित जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको ।