भरुवा बन्दुक सहित ३ जना मानिस नियन्त्रणमा

२०८१-१०-२३

A
A^-
A⁺

कैलाली :- मिति २०८१।१०।२२ गते १६:०० बजेको समयमा सुदूरपश्चिम प्रदेश प्रहरी कार्यालय धनगढी, नेपाल प्रहरी प्रदेश कार्यालय महेन्द्रनगर र जिल्ला प्रहरी कार्यालय कैलालीबाट संयुक्त रुपमा खटिएको प्रहरी टोलीले जिल्ला कैलाली, धनगढी उ.म.न.पा. १८ F गाँउ आर्यघाट स्थित अबैध भरुवा बन्दुक थान २ र सानो फलामे चक्कु थान-१ सहित भारतबाट नेपाल तर्फ आउदै गरेको अवस्थामा जिल्ला कैलाली, धनगढी उ.म.न.पा. १९ बस्ने बर्ष ३९ को गुरु प्रसाद चौधरी, भारत लखिमपुर जिल्ला, खिटी नउसर बस्ने बर्ष ३२ को रियासत अली र ऐ.ऐ. नउझटा बस्ने बर्ष ४० को देसराज राना समेत तिनै जनालाई उक्त हातहतियार सहित नियन्त्रणमा लिएको, सो सम्बन्धमा प्रहरीले थप अनुसन्धान गरिरहेको ।

सम्बन्धित समाचार

कटुवा पेस्तोल बरामद

२०८३-०५-०८

कञ्चनपुर:- जिल्ला कञ्चनपुर भिमदत्त न.पा.३ विष्णु मन्दिर नजिक जंगलमा रुखको फेदमा लुकाई छिपाई राखेको बेवारिसे कटुवा पेस्तोल थान-१ आइतबार साँझ जिल्ला प्रहरी कार्यालय कञ्चनपुरबाट खटिएको प्रहरीले बरामद गरेको छ । यस सम्बन्धमा प्रहरीले थप अनुसन्धान गरिरहेको छ ।

मृत अवस्थामा फेला

२०८३-०५-०८

बझाङ:- जिल्ला बझाङ जयपृथ्वी न.पा.७ सुवेडा बस्ने वर्ष ५२ को चक्र बहादुर शार्की सोही ठाउँ स्थित रहेको चौपाते खहरे खोलामा आइतबार साँझ मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८३-०५-०८

कञ्चनपुर:- कञ्चनपुर जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.९३,३३७।– बराबरको पेय पदार्थ, चिनी, मिठाई, बर्फी, किराना तथा हार्डवेयर लगायतका सामानहरु आइतबार जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।

बसको ठक्करबाट महिलाको मृत्यु

२०८३-०५-०८

कैलाली:- जिल्ला कैलाली गोदावरी न.पा.२ बसपार्क स्थित माहाकाली यातायातको सु.प.प्र.०२-००१ ख ९५६ नम्बरको बसको ठक्करबाट सोही न.पा.१ बस्ने वर्ष अन्दाजी ४० की सिन्की बोहराको आइतबार साँझ घट्नास्थलमै मृत्यु भएको छ । बस र बस चालक जिल्ला दार्चुला, मालीकार्जुन गा.पा.२ बस्ने बर्ष २३ को रोहित सिंह धामीलाई प्रहरीले नियन्त्रणमा लिई दुर्घटना सम्बन्धमा प्रहरीले अनुसन्धान गरिरहेको छ ।

अवैध लागूऔषध सहित मानिस नियन्त्रणमा

२०८३-०५-०८

कैलाली:- जिल्ला कैलाली धनगढी उ.म.न.पा.३ ट्राफिक चौराहाबाट अवैध लागूऔषध ब्राउनसुगर जस्तो देखिने पदार्थ १०० मिलिग्राम सहित सोही ठाउँ बस्ने वर्ष ३० को राकेश विष्टलाई अस्थायी प्रहरी पोष्‍ट बिशालनगर, कैलालीबाट खटिएको प्रहरी टोलीले आइतबार दिउँसो शंका लागि चेकजाँच गर्दा उक्त पदार्थ फेला पारी पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८३-०५-०७

कैलाली:- कैलाली जिल्लाको विभिन्न स्थानहरुबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.५,९३,७३०।– बराबरको बिडी, सुर्ति, विभिन्न किसिमका कपडा र किराना लगायतका सामानहरु शनिवार जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी टोलीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ । कञ्चनपुर:- जिल्ला कञ्चनपुर बेलौरी न.पा. वडा नं ६ वैशाखा स्थितबाट अवैध रुपमा भारतबाट भन्सार छलि गरी ल्याएका अन्दाजी मूल्य रु.६९,१००।– बराबरको बिडी, सुर्ति, कपडा र किराना लगायतका सामानहरु शनिवार इलाका प्रहरी कार्यालय बेलौरी,कञ्चनपुरबाट खटिएको प्रहरी टोलीले बेवारिसे अवस्थामा फेला पारी आवश्यक प्रक्रिया पुरा गरी नियन्त्रणमा लिएको छ ।