फरार प्रतिबादी पक्राउ

२०८१-१२-२६

A
A^-
A⁺

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले चेक अनादर मुद्दामा रु.२,०००।–(दुई हजार रुपैया) जरिवाना तोकिएको फरार प्रतिबादी जिल्ला कञ्चनपुर पुनर्वास न.पा.३ बस्ने बर्ष ४४ को शुकलामा तामाङ्ग र सोही मुद्धामा रु. १,०००।–(एक हजार रुपैया) जरिवाना तोकिएको सोही ठाउ बस्ने बर्ष ५० की विन्दु श्रेष्ठलाई जिल्ला प्रहरी कार्यालय कैलालीबाट खटिएको प्रहरी टोलीले मिति २०८१।१२।२५ गते १४:०० बजेको समयमा जिल्ला कैलाली, धनगढी उ.म.न.पा.१ जिल्ला प्रशासन कार्यालय नजिकबाट पक्राउ गरी सम्मानित कैलाली जिल्ला अदालतमा पेश गरेको ।

कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कञ्चनपुरको फैसलाले ज्यान सम्बन्धी मुद्दामा रु.२,०००।–(दुई हजार रुपैया) जरिवाना तोकिएको फरार प्रतिवादी जिल्ला कञ्चनपुर, भिमदत्त न.पा. वडा न. ११ भुजेला बस्ने बर्ष अ.४० को लाल सिंह बिष्टलाई मिति २०८१।१२।२५ गते १४:०० बजेको समयमा निजको घर ठेगाना बाटै इलाका प्रहरी कार्यालय गड्डाचौकी कञ्चनपुरबाट खटिएको प्रहरी टोलीले पक्राउ गरी गरी सम्मानित कञ्चनपुर जिल्ला अदालतमा पेश गरेको ।

सम्बन्धित समाचार

अबैध भन्सार छलिका सामान नियन्त्रणमा

२०८२-०३-३०

कञ्चनपुर:- मिति २०८२।०३।२९ गते कञ्चनपुर जिल्लाको बिभिन्न स्थानहरु भिमदत्त.न.पा.११ भुजेला र बेलौरी न.पा. २ बैजुडाडाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,३७,५५०।– बराबरको थान कपडा, सुटपिस, कुर्ति, चुन्नि, बच्चाको फराक, कस्मेटिक लगायतका सामानहरु जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको ।

लागू औषध सहित मानिस नियन्त्रणमा

२०८२-०३-३०

कैलाली:- मिति २०८२।०३।२९ गते २१:३० बजेको समयमा जिल्ला कैलाली, धनगढी उ.म.न.पा.१० जुगेडाबाट ऐ.९ बंग्राकटान बस्ने बर्ष ३३ को नारायण बि.क.लाई शंका लागि चेकजाँच गर्दा ४०० मिलिग्राम लागूऔषध खैरो हेरोइन जस्तो देखिने धुलो पदार्थ फेला पारी उक्त पदार्थ सहित निजलाई जिल्ला प्रहरी कार्यालय कैलाली समेतबाट खटिएको प्रहरी टोलीले नियन्त्रणमा लिएको, थप अनुसन्धान भईरहेको । कञ्चनपुर:- मिति २०८२।०३।२९ गते २०:०० बजेको समयमा जिल्ला कञ्चनपुर, बेलौरी न.पा.१० सडकघाट स्थित भारतबाट नेपाल तर्फ आउदै गरेको सु.प.प्र.०२-००३ प ८४३७ नम्बरको मोटरसाइकललाई शंका लागि चेकजाँच गर्दा चालक जिल्ला कञ्चनपुर, शुक्लाफाँटा न.पा.२ बन्साह बस्ने बर्ष २९ को खगेन्द्र महराको साथबाट १.०३ ग्राम लागू औषध खैरो हेरोइन जस्तो देखिने धुलो पदार्थ फेला पारी उक्त पदार्थ, मोटरसाईकल सहित निजलाई प्रहरी चौकी भुडा, कञ्चनपुर र सशस्त्र प्रहरी वल BOP पचुईबाट संयुक्त रुपमा खटिएको प्रहरी टोलीले नियन्त्रणमा लिएको, थप अनुसन्धान भईरहेको ।

आगलागीबाट बिभिन्न धनमाल जलेर नष्ट

२०८२-०३-३०

कञ्चनपुर:- मिति २०८२।०३।२९ गते २३:५० बजेको समयमा जिल्ला कञ्चनपुर, भिमदत्त.न.पा.६ ऐठपुर बस्ने किस्न अवस्थिको दुई तले दुई कोठे इटा र जास्ताले बनेको गाई गोठमा बिद्युतको तार सट भई आगलागी हुँदा गाई गोठ भित्र रहेका खाद्यान्न, काठ लगायतका सामानहरु गरी अन्दाजी मुल्य रु.४,००,०००।– (चार लाख) बराबरको धनमाल जलेर नष्ट भएको, मानबिय तथा चौपाय क्षेती नभएको, स्थानिय, प्रहरी र दमकलको सहयोगमा आगलागी नियन्त्रणमा आएको ।

फरार प्रतिबादी पक्राउ

२०८२-०३-३०

कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कञ्चनपुरको फैसलाले लागूऔषध मुद्दामा ५ महिना कैद सजाय तोकिएको जिल्ला कञ्चनपुर, शुक्लाफाटा न.पा.४ आशापुर बस्ने बर्ष ३१ को हरेन्द्र कुवँरलाई जिल्ला प्रहरी कार्यालय कञ्चनपुरबाट खटिएको प्रहरी टोलीले मिति २०८२।०३।२९ गते निजकै घर ठेगानाबाट पक्राउ गरेको ।

अबैध भन्सार छलिका सामान नियन्त्रणमा

२०८२-०३-२९

कैलाली:- मिति २०८२।०३।२८ गते १८:४० बजेको समयमा जिल्ला कैलाली टीकापुर न.पा.९ ठोसे बजारबाट अबैध रुपमा भारतबाट भन्सार छलि गरि ल्याएका अन्दाजी मूल्य रु.५०,५००।– बराबरको बिडी, सुर्ती, सुपारी, नमकिन, प्लाष्टिक झिल्ली लगायतका सामानहरु इलाका प्रहरी कार्यालय टिकापुर, कैलालीबाट खटिएको प्रहरी गस्ती टोलीले बेवारिसे अवस्थामा फेला पारी नियन्त्रणमा लिएको ।

जुवातास खेलिरहेको अबस्थामा ६ जना पक्राउ

२०८२-०३-२९

अछाम:- मिति २०८२।०३।२८ गते १९:५० बजेको समयमा जिल्ला अछाम, बान्नीगढी जयगढ गा.पा.४ कैलाशखोला स्थित पुरानो घर (छाना) मा जुवातास खेलिरहेका छन भन्ने गोप्य सुचनाका आधारमा खानतलासी गर्दा जुवातास खेलिरहेको अवस्थामा सोही ठाउँ बस्ने बर्ष ४१ को खेमराज शर्मा सहित ६ (छ) जनालाई नगद रु.१८,०९५।–, २ गड्डी तास सहित जिल्ला प्रहरी कार्यालय अछामबाट खटिएको प्रहरी टोलीले पक्राउ गरेको, सो सम्बन्धमा थप अनुसन्धान भईरहेको ।