लागु औषध सहित मानिस पक्राउ

२०७९-१२-२८

A
A^-
A⁺

कञ्चनपुर- मिति २०७९।१२।२७ गते जिल्ला प्रहरी कार्यालय कञ्चनपुरबाट खटिएको प्रहरी टोलीले जिल्ला कञ्चनपुर भिमदत्त न.पा. ३ स्थित ऐ. बस्ने बर्ष २९ को राम सिंह धामीलाई शंका लागी चेक जाँच गर्दा निजको साथबाट फेनारगन २ एम एल को १० एम्पुल र रेस्कोजेसिस २ एम एल को १० एम्पुल लागुऔषध फेला पारी निजलाई प्रहरीले नियन्त्रणमा लिएको हो ।

सोहि दिन ईलाका प्रहरी कार्यालय बेलौरी कञ्चनपुरबाट खटिएको प्रहरी टोलीले जिल्ला कञ्चनपुर बेलौरी न.पा.६ स्थित भारतबाट नेपाल तर्फ आउदै गरेका जिल्ला कैलाली धनगढि उ.म.न.पा. १३ बस्ने बर्ष २३ को मदन रानाले चलाएको सु.प.प्र.०१-००९ प ३०९७ नम्बरको मोटरसाईकल पछाडी सवार ऐ.ऐ. बस्ने बर्ष २८ को निसान घर्ति मगरलाई शंका लागी रोकी चेकजाँच गर्दा निजहरुको साथबाट २ ग्राम लागुऔषध खैरोहेरोईन फेला पारी निजहरु लाई पक्राउ गरेको हो ।

कैलाली:- मिति ०७९/१२/२७ गते प्रहरी चौकी त्रिनगरवाट खटिएको प्रहरी टोलीले जि. कैलाली धनगढी उ.म.न.पा.३ स्थित भारतवाट नेपाल तर्फ आउदै गरेको जिल्ला दार्चुला शैल्यशिखर गा.पा. ८ बस्ने बर्ष २७ को गोपाल भण्डारीले चलाएको से.६ प ६०४० नं. को मो.सा. पछाडी सवार ऐ.ऐ. बस्ने बर्ष २५ को लोकेन्द्र भण्डारीलाई शंका लागी रोकी चेकजाँच गर्दा निजहरुको साथ बाट ३ ग्राम लागुऔषध खैरोहेरोईन फेला पारी निजहरुलाई समेत प्रहरीले पक्राउ गरेको हो ।

सोही दिन वडा प्रहरी कार्यालय धनगढी कैलालीबाट खटीएको प्रहरी टोलीले जि. कैलाली धनगढी उ.म.न.पा.३ स्थित फिस रिसोर्टका संचालक जिल्ला बझाङ चिर बिथ्थड गा.पा.९ घर भई हाल ऐ. धनगढी उ.म.न.पा.३ बस्ने बर्ष ३३ को हिक्मत मल्ललाई शंका लागी चेक जाँच गर्दा निजको साथबाट ७२० मिलिग्राम ला.औ चरेस फेला पारी निजलाई प्रहरीले पक्राउ गरेको हो । यस सम्बन्धमा प्रहरीले थप अनुसन्धान गरिरहेको ।

सम्बन्धित समाचार

फरार प्रतिवादी पक्राउ

२०८३-०१-१७

दार्चुला:- फैसला कार्यान्वयनको सिलसिलामा सम्मानित जिल्ला अदालत दार्चुलाको मिति २०८२।०८।०८ गतेको फैसलाले अभद्र व्यवहार गर्न नहुने सम्बन्धी मुद्दामा ७ महिना १३ दिन कैद सजाय तोकिएको जिल्ला दार्चुला, महाकाली न,पा.४ बस्ने वर्ष ३० को उपेन्द्रराम लुहारलाई जिल्ला प्रहरी कार्यालय दार्चुलाबाट खटिएको प्रहरी टोलीले वुधवार खलंगा बजारवाट पक्राउ गरेको हो ।

अबैध भन्सार छलिका सामान नियन्त्रणमा

२०८३-०१-१७

कैलाली:- कैलाली जिल्लाको बिभिन्न स्थानहरु धनगढी उ.म.न.पा.३ मिलन चोक र ऐ. ८ राधास्वामी मन्दिर नजिकबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.३९,३९०।– बराबरको पङखा, किराना लगायतका सामानहरु वुधवार जिल्ला प्रहरी कार्यालय कैलालीबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कञ्चनपुर:- जिल्ला कञ्चनपुर भिमदत्त न.पा. ५ बनगाउँबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. ३,९७,१००।– बराबरको मोवेल, मार्वल कटर, गेटवाल, भारतिय नम्वर प्लेटको मोटरसाइकल थान-१ लगायतका सामानहरु वुधवार दिउँसो जिल्ला प्रहरी कार्यालय कञ्चनपुरबाट खटिएको प्रहरी टोलीले बेवारिसे अबस्थामा फेला पारी आवश्यक प्रक्रिया पुरा गरि आवश्यक कारवाहीको लागि भन्सार कार्यालय गड्डाचौकी पठाएको हो ।

अबैध लागू औषध सहित मानिस नियन्त्रणमा

२०८३-०१-१७

कैलाली:- जिल्ला कैलाली धनगढी उ.म.न.पा.८ राधास्वामी मन्दिर नजिकबाट अवैध लागूऔषध खैरो हेरोइन जस्तो देखिने पदार्थ ४ ग्राम २०० मिलिग्राम सहित सोही ठाउँ बस्ने ३० को संजय रानालाई वुधवार दिउँसो प्रहरीले पक्राउ गरेको छ । जिल्ला प्रहरी प्रहरी कार्यालय कैलालीबाट खटिएको प्रहरी टोलीले शंका लागि चेकजाँच गर्दा निजको साथबाट उक्त पदार्थ फेला पारी, आवश्यक प्रक्रिया पुरा गरि उक्त पदार्थ सहित निजलाई पक्राउ गरेको हो । यसैगरी, जिल्ला कैलाली भजनी न.पा.५ गुलरियाघाटबाट अवैध लागूऔषध खैरो हिरोईन जस्तो देखिने धुलो पदार्थ ५०० मिलिग्राम सहित २ जनालाई वुधवार दिउँसो प्रहरीले पक्राउ गरेको छ । पक्राउ पर्नेहरूमा जिल्ला कैलाली, गौरीगंगा न.पा.४ बस्ने बर्ष २० को करन बि.क. र सोही ठाउँ बस्ने बर्ष २६ को चन्दरे टमट्टा रहेका छन् । इलाका प्रहरी कार्यालय भजनी, कैलालीबाट खटिएको प्रहरी टोलीले भारतबाट नेपालतर्फ आउँदै गरेको सु.प.प्र.०१-०१२ प ९०१० नम्बरको मोटरसाइकलमा सवार उनीहरूलाई चेकजाँच गर्दा उक्त पदार्थ फेला पारि उक्त पदार्थ, मोटरसाइकल सहित निजहरु दुवै जनालाई पक्राउ गरेको हो । यसैगरी, जिल्ला कैलाली भजनी न.पा.३ कुसुमघाटबाट अवैध लागूऔषध खैरो हिरोईन जस्तो देखिने धुलो पदार्थ ५ ग्राम ७० मिलिग्राम सहित ३ जनालाई वुधवार साँझ प्रहरीले पक्राउ गरेको छ । पक्राउ पर्नेहरूमा जिल्ला कैलाली, जानकी गा.पा.१ बस्ने बर्ष ४४ को सुरेन्द्र चौधरी, सोही ठाउँ बस्ने बर्ष ३० को भुवन कठरिया र सोही ठाउँ बस्ने बर्ष २१ को प्रसन चौधरी रहेका छन् । बिशेष गोप्य सुचनाको आधारमा भारतबाट नेपाल तर्फ आउदै गरेको अवस्थामा इलाका प्रहरी कार्यालय भजनी र लागूऔषध नियन्त्रण व्युरो शाखा कार्यालय धनगढी, कैलालीबाट संयुक्त रुपमा खटिएको प्रहरी टोलीले दुईवटा साइकलमा सवार उनीहरूलाई चेकजाँच गर्दा उक्त पदार्थ फेला पारि उक्त पदार्थ, साइकल सहित निजहरु तिनै जनालाई पक्राउ गरेको हो । कञ्चनपुर:- जिल्ला कञ्चनपुर भिमदत्त न.पा.१० कञ्चनपुर भन्सार ब्यारेल नजिकबाट ५ ग्राम ६० मिलिग्राम लागूऔषध खैरोहेरोइन जस्तो देखिने धुलो पदार्थ सहित सोही न.पा.११ बडैपुर बस्ने बर्ष २९ को रबिन बिष्टलाई वुधवार दिउँसो प्रहरीले पक्राउ गरेको छ । लागूऔषध नियन्त्रण व्युरो शाखा कार्यालय महेन्द्रनगर र इलाका प्रहरी कार्यालय गड्डाचौकी, कञ्चनपुरबाट संयुक्त रुपमा खटिएको प्रहरीले टोलीले युके.०३ टिए ७७२७ नम्बरको भारतिय कारलाई शंका लागि चेकजाँच गर्दा उक्त पदार्थ फेला पारी उक्त कार सहित निजलाई पक्राउ गरेको हो । यसैगरी, जिल्ला कञ्चनपुर बेलडाँडी गा.पा. २ क्याम्प चेकपोष्ट नजिकबाट २ ग्राम ६०० मिलिग्राम लागूऔषध खैरो हेरोईन जस्तो देखिने धुलो पदार्थ सहित २ जनालाई वुधवार दिउसो प्रहरीले पक्राउ गरेको छ । पक्राउ पर्नेहरूमा जिल्ला कञ्चनपुर, कृष्णपुर न.पा.२ बाणी बस्ने बर्ष २३ को मनिष थापा र बेलडाँडी गा.पा.५ झिलमिला बस्ने बर्ष २५ को मनोज खड्का रहेका छन् । इलाका प्रहरी कार्यालय बेलडाँडी, कञ्चनपुरबाट खटिएको प्रहरी टोलीले निजहरुलाई शंका लागि चेकजाँच गर्दा उक्त पदार्थ फेला पारी आवश्यक प्रक्रिया पुरा गरि निजहरु दुवै जनालाई पक्राउ गरेको हो ।

करेन्ट लागेर मृत्यु

२०८३-०१-१७

कैलाली:- जिल्ला कैलाली धनगढी उ.म.न.पा.३ बिशालनगर बस्ने बर्ष ३० की नन्दकला बि.क.को वुधवार साँझ करेन्ट लागेर मृत्यु भएको छ । निजलाई आफ्नै घर अगाडी नल्कामा पानी तान्ने मोटरबाट करेन्ट गम्भिर घाईते भई उपचारको लागी मायामेट्रो अस्पताल धनगढीमा लगिएकोमा चिकित्सकले चेकजाँच गर्दा मृत घोषणा गरेको ।

आगलागीबाट ४ चौपायाको जलेर मृत्यू

२०८३-०१-१६

बझाङ :- जिल्ला बझाङ मष्टा गा.पा.५ द्धारी बस्ने राजेन्द्र कठायतको ढुङगा माटोले बनेको दुई तले दुई कोठे कच्ची घरमा गएराती आगलागी हुँदा गोठमा बाधेका २ वटा गोरुको जलेर मृत्यु भएको हो । आगलागीबाट घर पुर्ण रुपमा जलेको, मानविय क्षती केही नभएको, स्थानिय र प्रहरीको सहयोगमा आगलागी नियन्त्रणमा आएको हो । बैतडी :- जिल्ला बैतडी सिगास गा.पा.५ ठुला खोला स्थित जगनाथ धामीको खरले छाएको गोठमा मंगलबार दिउसो आगलागी हुँदा २ वटा भैसीको जलेर मृत्यु भएको र २ वटा भैसी जली घाईते भएका छन । आगलागीबाट गोठ जलेर नष्ट भएको हो, स्थानिय र प्रहरीको सहयोगमा आगलागी नियन्त्रणमा आएको हो ।

२ जना फरार प्रतिवादी पक्राउ

२०८३-०१-१६

कैलाली :- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले बहुविबाह मुद्दामा १८ दिन कैद सजाय र रु.५,०००।– जरिवाना तोकिएको जिल्ला कैलाली धनगढी उ.म.न.पा.१८ बस्ने गोमा बोहरा बयडीलाई इलाका प्रहरी कार्यालय बहुलिया,कैलालीबाट खटिएको प्रहरी टोलीले मंगलबार निजकै घर ठेगानाबाट पक्राउ गरेको हो । कञ्चनपुर :- फैसला कार्यान्वयनको सिलसिलामा सम्मानित जिल्ला अदालत कञ्चनपुरको मिति २०८२।०२।३० गतेको फैसलाले अपहरण तथा व्यक्ति बेपत्ता सम्बन्धी कसुर मुद्दामा १० वर्ष कैद सजाय र रु.३,००,०००।– जरिवाना तोकिएको जिल्ला कञ्चनपुर शुक्लाफाँटा न.पा. १० बस्ने वर्ष ४५ को मोहन सिह ऐरीलाई जिल्ला प्रहरी कार्यालय कञ्चनपुरबाट खटिएको प्रहरी टोलीले मंगलबार दिउसो जिल्ला कञ्चनपुर भिमदत्त न.पा. ४ दशरथचोक निजकैबाट पक्राउ गरेको हो ।