कैलाली:- जिल्ला कैलाली टिकापुर न.पा.९ खक्रौलाबाट ३ ग्राम ९५० मिलिग्राम लागूऔषध खैरो हेरोईन जस्तो देखिने धुलो पदार्थ सहित ऐ. लम्कीचुहा न.पा.१ बस्ने बर्ष २८ को सन्तोष खत्रीलाई मंगलबार साँझ प्रहरीले पक्राउ गरेको हो  । प्रहरी चौकी कालाकुण्डा, कैलालीबाट खटिएको प्रहरी टोलीले शंका लागि चेकजाँच गर्दा निजको साथबाट उक्त पदार्थ फेला पारी, आवश्यक प्रक्रिया पुरा गरि पक्राउ गरेको हो ।

     यसैगरी, जिल्ला कैलाली गोदावरी न.पा.२ अत्तरिया स्थित बसपार्कबाट ५६० मिलिग्राम लागूऔषध खैरो हेरोईन जस्तो देखिने धुलो पदार्थ सहित जिल्ला दार्चुला, लेकम गा.पा.४ बस्ने बर्ष २८ को राजेन्द्र पाललाई मंगलबार साँझ प्रहरीले पक्राउ गरेको हो  । लागूऔषधको कारोबार भईरहेको छ भन्ने बिषेश सुचनाको आधारमा इलाका प्रहरी कार्यालय मालाखेती, कैलालीबाट खटिएको प्रहरी टोलीले चेकजाँच गर्दा निजको साथबाट उक्त पदार्थ फेला पारी, आवश्यक प्रक्रिया पुरा गरि पक्राउ गरेको हो । 

     यसैगरी,  जिल्ला कैलाली लम्कीचुहा न.पा.३ चिसापानीबाट २२० मिलिग्राम लागूऔषध खैरोहेरोइन जस्तो देखिने धुलो पदार्थ सहित देश भारत उत्तराखण्ड प्रदेश चम्पावत जिल्ला पुर्णागिरी नगरपालिका बनबासा बस्ने बर्ष ३० को हर्दिप चन्दलाई  मंगलबार राति प्रहरीले पक्राउ गरेको छ । इलाका प्रहरी कार्यालय चिसापानी, कैलालीबाट खटिएको प्रहरीले टोलीले पुर्वपश्चिम राजमार्ग सडक खण्डमा महेन्द्रनगरबाट नेपालगंज तर्फ जाँदै गरेको डी.एल. ६ एस.बि.सि.५१०० नम्बरको मोटरसाइकलमा सवार निजलाई चेकजाँच गर्दा उक्त पदार्थ सहित पक्राउ गरेको हो ।