फरार प्रतिबादी पक्राउ

२०८२-१०-२८

A
A^-
A⁺

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको बिभिन्न मितिको फैसलाले कैद सजाय तथा जरिवाना ठहर भई फरार रहेका निम्न प्रतिवादीहरुलाई मिति २०८२।१०।२७ गते जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी टोलीले पक्राउ गरेको हो ।

१. लागूऔषध चरेश मुद्दामा १ बर्ष कैद सजाय र रु.१०,०००।- जरिवाना तोकिएको जिल्ला बझाङ, बित्थडचिर गा.पा.२ बस्ने करन बहादुर बोहरा ।

२. लागूऔषध मुद्दामा १ महिना २२ दिन कैद सजाय तोकिएको जिल्ला कैलाली, धनगढी उ.म.न.पा. १३ बस्ने बर्ष २७ को गणेश राना ।

३. आगो लगाएको मुद्दामा ६ महिना कैद सजाय तोकिएको जिल्ला कैलाली, धनगढी उ.म.न.पा. १७ बस्ने गंगाराम पार्की ।

सम्बन्धित समाचार

फरार प्रतिवादी पक्राउ

२०८३-०१-२४

कैलाली:- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले चेक अनादर मुद्दामा २ वर्ष कैद सजाय तोकिएको जिल्ला कैलाली, धनगढी उ.म.न.पा.१ बस्ने बर्ष ४६ को अनिल चौधरीलाई वडा प्रहरी कार्यालय धनगढी, कैलालीबाट खटिएको प्रहरी टोलीले मिति २०८३।०१।२३ गते निजकै घर ठेगानाबाट पक्राउ गरेको हो । कञ्चनपुर:- फैसला कार्यान्वयनको सिलसिलामा सम्मानित जिल्ला अदालत कञ्चनपुरको मिति २०७३।०४।३२ गतेको फैसलाले सवारी ज्यान मुद्दामा १५ दिन कैद सजाय र रु. २,०००।- जरिवाना तोकिएको जिल्ला कञ्चनपुर,लालझाडी गा.पा.२ कञ्ज बस्ने बर्ष ५५ को सुखराम रानालाई इलाका प्रहरी कार्यालय शंकरपुर,कञ्चनपुरबाट खटिएको प्रहरी टोलीले मिति २०८३।०१।२३ गते पक्राउ गरेको ।

मृत अवस्थामा फेला

२०८३-०१-२४

दार्चुला:- जिल्ला दार्चुला ब्यास गा.पा.६ बडुगाउँ बस्ने बर्ष ५८ को सुनादत्त बडु घर नजिकै गोठालो गएकोमा बेलुका सम्म घर नफर्केको हुँदा खोत गर्ने क्रममा घर देखि १ कि.मी. टाढा वुधबार राती मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।

दुई वटा मोटरसाइकल एक आपसमा ठोक्किदा मृत्यु, घाईते

२०८३-०१-२४

कञ्चनपुर:- जिल्ला कञ्चनपुर, शुक्लाफाटा न.पा.८ स्थित भित्रि सडक खण्डमा म २ प ५०५५ नम्बरको मोटरसाइकल र से ६ प ५९१३ नम्बरको मोटरसाइकल एक आपसमा ठोक्किदा से ६ प ५९१३ नम्बरको मोटरसाइकल चालक जिल्ला कञ्चनपुर शुक्लाफाटा न.पा.८ पारीफाटा बस्ने बर्ष ४५ को मिन बहादुर जागरी गम्भिर घाईते भई उपचारको लागि सेती प्रादेशिक अस्पताल धनगढी लगिएकोमा उपचारको क्रममा वुधबार वेलुकी मृत्यु भएको हो, सोही मोटरसाइकल पछाडी सवार सोही ठाउँ बस्ने बर्ष ५५ को मंगल महरा र म २ प ५०५५ नम्बरको मोटरसाइकल चालक शुक्लाफाटा न.पा.८ पारीफाटा बस्ने बर्ष ४२ को कम्मान सिह ठगुन्ना घाइते भई मायामेट्रो अस्पताल धनगढीमा उपचार भईरहेको छ । दुर्घटना सम्बन्धमा प्रहरीले अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८३-०१-२४

कैलाली:- कैलाली जिल्लाको बिभिन्न स्थानहरु धनगढी उ.म.न.पा.२ सिसा पोष्ट र जानकी गा.पा.४ मुनुवाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.७६,८१४।– बराबरको विभिन्न किसिमका कपडा, किराना लगायतका सामानहरु वुधवार जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

वेवारिसे काठ बरामद

२०८३-०१-२३

कञ्चनपुर:- जिल्ला कञ्चनपुर, दोधारा चाँदनी न.पा.६ भैरव जनकल्याण सामुदायिक वनभित्र काटेर लुकाई छिपाई राखेको अवस्थामा सगुन जातको गोलिया थान-६ (७० क्युफिट) अन्दाजी मुल्य रु.७७,०००।– (सतहत्तर हजार) बराबरको काठ इलाका प्रहरी कार्यालय दोधारा चाँदनी, कञ्चनपुरबाट खटिएको प्रहरी टोलीले बेवारिसे अवस्थामा फेला पारी नियन्त्रणमा लिई आवश्यक प्रक्रिया पुरा गरि सुक्लाफाँटा राष्ट्रिय निकुञ्जको कार्यालय मझगाँउ, कञ्चनपुरको जिम्मा लगाएको हो ।

अबैध भन्सार छलिका सामान नियन्त्रणमा

२०८३-०१-२३

कञ्चनपुर:- जिल्ला कञ्चनपुर भिमदत्त न.पा. ६ ऐठपुरबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु. १,२२,५२०।– बराबरको बिभिन्न किसिमका विद्युतका सामानहरु मंगलबार दिउँसो जिल्ला प्रहरी कार्यालय कञ्चनपुरबाट खटिएको प्रहरी टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।