फरार प्रतिवादी पक्राउ

२०८३-०१-१४

A
A^-
A⁺

कैलाली :- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले लागूऔषध मुद्दामा ३ महिना कैद सजाय तोकिएकी जिल्ला कैलाली धनगढी उ.म.न.पा.१ बस्ने बर्ष २१ की रक्षा लामिछानेलाई जिल्ला प्रहरी कार्यालय कैलालीबाट खटिएको प्रहरी टोलीले आईतबार ऐ.५ तारानगरबाट पक्राउ गरेको हो ।

सम्बन्धित समाचार

अबैध भन्सार छलिका सामान नियन्त्रणमा

२०८३-०१-१४

कैलाली:- कैलाली जिल्लाको बिभिन्न स्थानहरु धनगढी उ.म.न.पा.१ त्रिवेणीघाट, ऐ.३ ज्ञानु प्लाजा नजिक र चटकपुरबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२,१४,१००।– बराबरको थान कपडा, सुटपिस, प्लाष्टिक झिल्ली, बाख्रा लगायतका सामानहरु आईतबार सुदूरपश्चिम प्रदेश प्रहरी कार्यालय धनगढी, जिल्ला प्रहरी कार्यालय कैलाली तथा मातहत प्रहरी कार्यालयबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कञ्चनपुर:- कञ्चनपुर जिल्लाको बिभिन्न स्थानहरु भिमदत्त न.पा.४ गोबरिया, दोधारा चाँदनी न.पा. ३ कल्चुघाट र बेलौरी न.पा.१ फटैयाबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.४५,६३०।– बराबरको पेय पदार्थ, केरा, बोइलर कुखुरा लगायतका सामानहरु आईतबार जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

अटोबाट खसेर मानिसको मृत्यु

२०८३-०१-१४

कञ्चनपुर:- जिल्ला कञ्चनपुर शुक्लाफाटा न.पा.५ गर्जमनि स्थित भित्र सडक खण्डमा सु.प.प्र. ०१-००२ स ०१६८ नम्वरको अटोबाट खसेर सोही ठाउँ वस्ने वर्ष ८५ को रामदत्त पन्त गम्भिर घाईते भई उपचारको लागि निसर्ग अस्पताल धनगढी लगिएकोमा उपचारको क्रममा आइतवार दिउँसो मृत्यु भएको छ । अटो र अटो चालक जिल्ला कञ्चनपुर, शुक्लाफाटा न.पा.५ खजुवा बस्ने वर्ष २८ को नरेन्द्र जोशीलाई प्रहरीले नियन्त्रण लिई अनुसन्धान गरिरहेको छ ।

मृत अवस्थामा फेला

२०८३-०१-१३

कैलाली:- जानकी गा.पा ९ कतासे स्थित रानिजमरा कुलरिया सिचाई आयोजना हाईड्रोपावरको नहरमा सोही नगरपालिका ८ बस्ने बर्ष ७७ को हरिराम थारु शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।

आगलागीबाट बिभिन्न धनमाल जलेर नष्ट

२०८३-०१-१३

कैलाली:- जिल्ला कैलाली कैलारी गा.पा.८ पुर्व टेडी बस्ने सर्वण चौधरीको काठले बनेको दुई तले दुई कोठे कच्ची गोठमा गएराति आगलागी हुँदा एउटा राँगाको जलेर मृत्यु भएको हो । आगलागीबाट गोठ पुर्ण रुपमा जलेर अन्दाजी मुल्य रु.५,००,०००।– ( पाँच लाख) बराबरको धनमाल जलेर नष्ट भएको हो, स्थानिय र प्रहरीको सहयोगमा आगलागी नियन्त्रणमा आएको हो ।

अबैध लागूऔषध सहित मानिस नियन्त्रणमा

२०८३-०१-१३

कैलाली:- जिल्ला कैलाली टीकापुर नगरपालिका-१ ब्लक नम्बर १२ बाट अवैध लागूऔषध खैरो हेरोइन जस्तो देखिने पदार्थ ३ ग्राम ३ सय २० मिलिग्राम सहित सोही ठाउँ बस्ने १९ वर्षीय बिशाल कुँवरलाई शनिबार बिहान प्रहरीले पक्राउ गरेको छ । इलाका प्रहरी कार्यालय टीकापुरबाट खटिएको प्रहरीले उनलाई उक्त पदार्थ सहित पक्राउ गरेको हो । यसैगरी, जिल्ला कैलाली भजनी न.पा.३ मोहनपुरबाट अवैध लागूऔषध खैरो हिरोईन जस्तो देखिने धुलो पदार्थ ५ ग्राम २१० मिलिग्राम सहित देश भारत उत्तर प्रदेश रननगर खिरी बनविरपुर बस्ने बर्ष ३४ को गुरमुख सिंहलाई शनिबार दिउँसो प्रहरीले पक्राउ गरेको छ । गोप्य सुचनाको आधारमा इलाका प्रहरी कार्यालय भजनी, कैलाली समेतबाट खटिएको प्रहरी टोलीले भारतबाट नेपालतर्फ आउँदै गरेको यू.पी. ३१ सी.ई. ५३४८ नम्बरको भारतिय मोटरसाइकलमा सवार निजलाई चेकजाँच गर्दा उक्त पदार्थ फेला पारि उक्त पदार्थ, मोटरसाइकल सहित निजलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८३-०१-१३

कैलाली:- कैलाली जिल्लाको बिभिन्न स्थानहरु धनगढी उ.म.न.पा.२ सारदा स्कुल नजिक र कैलारी गा.पा.३ भितरियबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,३२,०००।– बराबरको धोती, कुर्ता, साडी, धनियाँ लगायतका सामानहरु शनिबार सूदूरपश्चिम प्रदेश प्रहरी कार्यालय धनगढी र जिल्ला प्रहरी कार्यालय कैलाली मातहत प्रहरी कार्यालयबाट संयुक्त रुपमा खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।