मृत अवस्थामा फेला

२०८३-०१-२४

A
A^-
A⁺

दार्चुला:- जिल्ला दार्चुला ब्यास गा.पा.६ बडुगाउँ बस्ने बर्ष ५८ को सुनादत्त बडु घर नजिकै गोठालो गएकोमा बेलुका सम्म घर नफर्केको हुँदा खोत गर्ने क्रममा घर देखि १ कि.मी. टाढा वुधबार राती मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।

सम्बन्धित समाचार

आगलागीबाट विभिन्न धनमाल जलेर नष्ट

२०८३-०१-२६

डोटी:- दिपायल सिलगढी नगरपालिका-१ तिखा बस्ने रत्ना देवी नेपालीको घरमा विद्युत सर्ट भई शुक्रबार बिहान आगलागी हुदाँ करिब १ लाख ५० हजार रूपैयाँ बराबरको धनमाल जलेर नष्ट भएको छ । स्थानीय र प्रहरीको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।

अबैध भन्सार छलिका सामान नियन्त्रणमा

२०८३-०१-२६

कञ्चनपुर:- कञ्चनपुर जिल्लाको बिभिन्न स्थानहरु भिमदत्त न.पा.२ भाँसी र ऐ.४ बसपार्कबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.१,०३,६५०।– बराबरको चिनी, मिस्री, केरा, किराना लगायतका सामानहरु शुक्रबार जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कैलाली:- जिल्ला कैलाली धनगढी उ.म.न.पा.२ सिसा पोष्टबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.५९,५५०।– बराबरको कुर्ती, साडी, सुटपिस, किराना लगायतका सामानहरु शुक्रबार जिल्ला प्रहरी कार्यालय कैलालीबाट खटिएको प्रहरी टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

मृत अवस्थामा फेला

२०८३-०१-२६

कैलाली:- गोदावरी नगरपालिका-४ लामामोड स्थित गोदावरी सामुदायिक वनमा हाल नाम, थर र वतन नखुलेका अन्दाजी ३० वर्षीय पुरूष शुक्रबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।

आगलागीबाट विभिन्न धनमाल जलेर नष्ट

२०८३-०१-२५

कञ्चनपुर:- जिल्ला कञ्चनपुर भिमदत्त न.पा.१६ मझगाँउ बस्ने हरिबल्लब जोशीको २ तले पक्की घरमा बिजुलीको तार सर्ट हुन गई विहीवार दिउँसो आगलागि हुँदा घर भित्र रहेका खाद्यान्न, लत्ताकपडा, भँडावर्तन लगायतका सामानहरु गरि अन्दाजी मुल्य रु.३,००,०००।– (तिन लाख) बराबरको धनमाल जलेर नष्ट भएको हो, मानविय तथा चौपाया क्षती नभएको, आगलागी स्थानिय र प्रहरीको सहयोगमा आगलागी नियन्त्रणमा लिईएको हो ।

अबैध लागूऔषध सहित मानिस नियन्त्रणमा

२०८३-०१-२५

कैलाली:- जिल्ला कैलाली बर्दगोरिया गा.पा.१ झगडपुरबाट अवैध लागूऔषध खैरो हेरोइन जस्तो देखिने धुलो पदार्थ १०० मिलिग्राम सहित सोही ठाउँ बस्ने बर्ष ३१ को गणेश मल्ललाई विहीबार दिउँसो प्रहरीले पक्राउ गरेको छ । इलाका प्रहरी कार्यालय सडकपुर बौनिया, कैलालीबाट खटिएको प्रहरीले उक्त पदार्थ सहित निजलाई पक्राउ गरेको हो । यसैगरी, जिल्ला कैलाली धनगढी उ.म.न.पा. ४ बसपार्क नजिकबाट अवैध लागूऔषध खैरो हेरोइन जस्तो देखिने धुलो पदार्थ ६० मिलिग्राम सहित २ जनालाई विहीबार वेलुकी प्रहरीले पक्राउ गरेको छ । पक्राउ पर्नेहरूमा सोही उ.म.न.पा.२ बस्ने १८ वर्षिय किशोर र जिल्ला कञ्चनपुर पुर्नवास न.पा. ११ बस्ने बर्ष १९ को निशान ढकाल रहेका छन् । जिल्ला प्रहरी कार्यालय कैलालीबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । कञ्चनपुर:- जिल्ला कञ्चनपुर बेलडाँडी गा.पा.२ क्याम्प चेकपोष्ट नजिकबाट अवैध लागूऔषध खैरो हेरोइन जस्तो देखिने धुलो पदार्थ १ ग्राम ६ मिलिग्राम सहित ३ जनालाई विहीबार दिउँसो प्रहरीले पक्राउ गरेको छ । पक्राउ पर्नेहरूमा भिमदत्त न.पा.४ गोबरीया बस्ने बर्ष २९ को अमित चौधरी, सोही न.पा.१८ सालघाँरी बस्ने बर्ष २७ को शेखर चौधरी र शुक्लाफाँटा न.पा.७ झण्डभोज बस्ने बर्ष २४ को सुशिल डगौरा रहेका छन् । इलाका प्रहरी कार्यालय बेलडाँडी, कञ्चनपुरबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । यसैगरी, जिल्ला कञ्चनपुर बेदकोट न.पा.१ चम्पापुरबाट अवैध लागूऔषध खैरो हेरोइन जस्तो देखिने धुलो पदार्थ ५ ग्राम ४०० मिलिग्राम सहित सोही ठाउँ बस्ने १८ बर्षिय किशोरलाई प्रहरीले पक्राउ गरेको छ भने चेकजाँच गर्ने क्रममा सोही ठाउँ बस्ने बर्ष २४ को निरज शाह भागि फरार रहेको छ निजको प्रहरीले खोजतलास गरिरहेको छ । अस्थायी प्रहरी बिट चम्फापुर, कञ्चनपुरबाट खटिएको प्रहरीले निजलाई उक्त पदार्थ सहित पक्राउ गरेको हो ।

दुई वटा मोटरसाइकल एक आपसमा ठोक्किदा मृत्यु, घाईते

२०८३-०१-२४

कञ्चनपुर:- जिल्ला कञ्चनपुर, शुक्लाफाटा न.पा.८ स्थित भित्रि सडक खण्डमा म २ प ५०५५ नम्बरको मोटरसाइकल र से ६ प ५९१३ नम्बरको मोटरसाइकल एक आपसमा ठोक्किदा से ६ प ५९१३ नम्बरको मोटरसाइकल चालक जिल्ला कञ्चनपुर शुक्लाफाटा न.पा.८ पारीफाटा बस्ने बर्ष ४५ को मिन बहादुर जागरी गम्भिर घाईते भई उपचारको लागि सेती प्रादेशिक अस्पताल धनगढी लगिएकोमा उपचारको क्रममा वुधबार वेलुकी मृत्यु भएको हो, सोही मोटरसाइकल पछाडी सवार सोही ठाउँ बस्ने बर्ष ५५ को मंगल महरा र म २ प ५०५५ नम्बरको मोटरसाइकल चालक शुक्लाफाटा न.पा.८ पारीफाटा बस्ने बर्ष ४२ को कम्मान सिह ठगुन्ना घाइते भई मायामेट्रो अस्पताल धनगढीमा उपचार भईरहेको छ । दुर्घटना सम्बन्धमा प्रहरीले अनुसन्धान गरिरहेको छ ।