कैलाली:- जिल्ला कैलाली भजनी न.पा.८ बदला चोकबाट अवैध लागूऔषध खैरो हेरोइन जस्तो देखिने धुलो पदार्थ १ ग्राम ६०० मिलिग्राम सहित टिकापुर न.पा.१ बस्ने बर्ष २५ को बिष्णु कठायत र सोही न.पा. १० बस्ने बर्ष १९ को धर्मेन्द्र शाहलाई सोमबार दिउँसो प्रहरीले पक्राउ गरेको छ । प्रहरी चौकी जनकपुर, कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित निजहरु दुवै जनालाई पक्राउ गरेको हो ।

      यसैगरी, जिल्ला कैलाली गौरीगंगा न.पा.८ चमारीपुरबाट अवैध लागूऔषध खैरो हेरोइन जस्तो देखिने धुलो पदार्थ १ ग्राम १५० मिलिग्राम सहित सोही ठाउँ बस्ने १७ वर्षिय किशोरलाई सोमबार दिउसो प्रहरीले पक्राउ गरेको छ । निजले घरमा लागूऔषधको कारोबार गरिरहेको छ सूचनाको आधारमा इलाका प्रहरी कार्यालय मसुरिया, कैलालीबाट खटिएको प्रहरीले शरिर तथा घरमा खानतलासी गर्दा उक्त पदार्थ फेला पारी उक्त पदार्थ सहित निजलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।