कैलाली:- जिल्ला कैलाली बर्दगोरिया गा.पा.६ पृथ्वीपुरबाट अवैध लागूऔषध खैरो हेरोइन जस्तो देखिने धुलो पदार्थ २५० मिलिग्राम सहित ३ जनालाई मंगलबार साँझ प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने बर्ष ३५ को राजेन्द्र चौधरी, बर्ष २५ को सन्देश डगौरा र बर्ष २० को बिनोद चौधरी रहेका छन । इलाका प्रहरी कार्यालय सडकपुर, कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित निजहरु तिनै जनालाई पक्राउ गरेको हो ।

      कञ्चनपुर:- जिल्ला कञ्चनपुर बेलौरी न.पा.१० भुडाँ मैलीबाट अवैध लागूऔषध खैरो हेरोइन जस्तो देखिने धुलो पदार्थ १४ ग्राम ८४० मिलिग्राम सहित बेलडाँडी गा.पा.१ रौलेश्वर बस्ने बर्ष २२ को हरेन्द्र साउँदलाई प्रहरीले पक्राउ गरेको छ । भारतबाट नेपालतर्फ पैदल आउँदै गरेको अवस्थामा इलाका प्रहरी कार्यालय बेलडाँडी, कञ्चनपुरबाट खटिएको प्रहरीले शंका लागि चेकजाँच गर्दा उक्त पदार्थ फेला पारि  उक्त पदार्थ सहित निजलाई पक्राउ गरेको हो ।