कैलाली:- जिल्ला कैलाली भजनी न.पा.५ प्रहरी चेकपोष्ट नजिकबाट २ ग्राम ४६० मिलिग्राम लागूऔषध खैरो हेरोईन जस्तो देखिने धुलो पदार्थ सहित घोडाघोडी न.पा.१० लठैया बस्ने बर्ष १९ को आदित चौधरीलाई विहीबार दिउँसो प्रहरीले पक्राउ गरेको छ । भारत बाट नेपाल तर्फ आँउदै गरेको अवस्थामा इलाका प्रहरी कार्यालय पृथ्वीपुर, कैलालीबाट खटिएको प्रहरीले से २ प ७४१० नम्बरको मोटरसाइकलमा सवार निजहरुलाई शंका लागि चेकजाँच गर्दा उक्त पदार्थ फेला पारी उक्त पदार्थ, मोटरसाइकल सहित पक्राउ गरेको हो ।