मृत अवस्थामा फेला

२०८३-०२-०९

A
A^-
A⁺

कञ्चनपुर:- जिल्ला कञ्चनपुर भिमदत्त न.पा.६ ऐठपुर स्थित नहर छेउमा जिल्ला अछाम पंचदेवल बिनायक न.पा.६ तोली वस्ने वर्ष ४५ को कमल बिष्ट शुक्रबार साँझ मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।

सम्बन्धित समाचार

फरार प्रतिवादी पक्राउ

२०८३-०२-०९

कैलाली :- फैसला कार्यान्वयनको सिलसिलामा सम्मानित जिल्ला अदालत कैलालीको फैसलाले लागूऔषध मुद्दामा १ महिना १५ दिन कैद सजाय तोकिएको जानकी गा.पा.७ गौलौरी बस्ने बर्ष २२ को रबि कुमाल थारुलाई इलाका प्रहरी कार्यालय टिकापुर, कैलालीबाट खटिएको प्रहरीले शुक्रबार निजकै घर ठेगानाबाट पक्राउ गरेको हो । बैतडी :- फैसला कार्यान्वयनको सिलसिलामा सम्मानित उच्च अदालत पाटनको मिति २०७९।११।२६ गतेको फैसलाले बैङ्किग कसुर मुद्दामा ३ दिन कैद सजाय र रु.९,५०,०००।–(नौ लाख पचास हजार) जरिवाना तोकिएको पुर्चौडी न.पा.५ कुवाकोट वस्ने बर्ष ३७ को सुमित कुमार कुँवरलाई इलाका प्रहरी कार्यालय पाटन, बैतडी समेतबाट खटिएको प्रहरीले शुक्रबार निजकै घर ठेगानाबाट पक्राउ गरेको हो ।

अबैध लागूऔषध सहित मानिस नियन्त्रणमा

२०८३-०२-०९

कैलाली:- जिल्ला कैलाली टिकापुर न.पा.९ खक्रौलाबाट अवैध लागूऔषध खैरो हेरोईन जस्तो देखिने धुलो पदार्थ १ ग्राम ४०० मिलिग्राम सहित टिकापुर न.पा.१ एकतानगर बस्ने बर्ष १९ को नरेश परियारलाई शुक्रबार साँझ प्रहरीले पक्राउ गरेको छ । प्रहरी चौकी कालाकुण्डा, कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो । कञ्चनपुर:- जिल्ला कञ्चनपुर कृष्णपुर न.पा.२ वाणी दुई नम्बर चौराहाबाट अवैध लागूऔषध खैरो हेरोइन जस्तो देखिने धुलो पदार्थ १ ग्राम ८६० मिलिग्राम सहित ३ जनालाई शुक्रबार बेलुकी प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने बर्ष २५ को सुर्य नाथ, बर्ष २८ को रोहन बोहरा र वर्ष २८ को हिक्मत भण्डारी रहेका छन् । लागूऔषधको कारोवार भईरहेको छ भन्ने गोप्य सुचनाको आधारमा जिल्ला प्रहरी कार्यालय कञ्चनपुर समेतबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । बझाङ:- जिल्ला बझाङ जयपृथ्वी न.पा.१० बसपार्क स्थित सोही ठाउँ बस्ने वर्ष २५ की साधना बोहराले सञ्चालन गरेको किराना पसलबाट ३१४ ग्राम ८४० मिलिग्राम लागूऔषध चरेश जस्तो देखिने कालो पदार्थ सहित निजलाई शुक्रबार दिउँसो प्रहरीले पक्राउ गरेको छ । विशेष सूचनाको आधारमा जिल्ला प्रहरी कार्यालय बझाङबाट खटिएको प्रहरी टोलीले निजले सञ्चालन गरेको पसलमा खानतलासी गर्दा उक्त पदार्थ फेला पारी निजलाई पक्राउ गरेको हो ।

अबैध भन्सार छलिका सामान नियन्त्रणमा

२०८३-०२-०८

कैलाली:- कैलाली जिल्लाको बिभिन्न स्थानहरु धनगढी उ.म.न.पा.३ नेशनल ट्रेडिङ् नजिक र ऐ. १९ खेदाघाटबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२,१०,१००।– बराबरको बिडी, सुर्ति, प्लाष्टिक झिल्ली, वोईलर कुखुरा, मोटरसाइकल थान-१ लगायतका सामानहरु विहीबार जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो । कञ्चनपुर:- कञ्चनपुर जिल्लाको बिभिन्न स्थानहरु भिमदत्त न.पा.५ तिनतारा, ऐ.११ गड्डाचौकी, बेलौरी न.पा.२ बैजुडाडा र बेलडाँडी गा.पा.३ कमरीबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२,१५,९७१।– बराबरको चिनी, पेय पदार्थ, हार्डवेयर, किराना लगायतका सामानहरु विहीबार जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरी गस्ती टोलीले बेवारिसे अबस्थामा फेला पारी आवश्यक प्रक्रिया पुरा गरि नियन्त्रणमा लिएको हो ।

फरार प्रतिवादी पक्राउ

२०८३-०२-०८

बाजुरा:- फैसला कार्यान्वयनको सिलसिलामा सम्मानित जिल्ला अदालत बाजुराको मिति २०८०।१०।०८ गतेको फैसलाले चोरी मुद्दामा ५ महिना १० दिन कैद सजाय र रु.५,०००।- जरिवाना तोकिएको जिल्ला बाजुरा, बुढिगंगा न.पा.६ बस्ने बर्ष १९ को राजेन्द्र सार्कीलाई जिल्ला प्रहरी कार्यालय बाजुराबाट खटिएको प्रहरी टोलीले विहीबार दिउँसो बडिमालिका न.पा. ९ स्थित मार्तडी बजारबाट पक्राउ गरेको हो ।

अबैध भन्सार छलिका सामान सहित मानिस पक्राउ

२०८३-०२-०८

कैलाली:- जिल्ला कैलाली धनगढी उ.म.न.पा.१९ खेदाघाटबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु.२,५८,८००।– बराबरको डिजेल र मोटरसाइकल थान-१ सहित चालक देश भारत सुडा बस्ने बर्ष ३५ को उमेश गुप्तालाई जिल्ला प्रहरी कार्यालय कैलाली समेतबाट खटिएको प्रहरी टोलीले विहीवार साँझ फेला पारी उक्त डिजेल, मोटरसाइकल सहित निजलाई नियन्त्रण लिएको हो ।

अबैध लागूऔषध सहित मानिस नियन्त्रणमा

२०८३-०२-०८

कैलाली:- जिल्ला कैलाली भजनी न.पा.५ प्रहरी चेकपोष्ट नजिकबाट २ ग्राम ४६० मिलिग्राम लागूऔषध खैरो हेरोईन जस्तो देखिने धुलो पदार्थ सहित घोडाघोडी न.पा.१० लठैया बस्ने बर्ष १९ को आदित चौधरीलाई विहीबार दिउँसो प्रहरीले पक्राउ गरेको छ । भारत बाट नेपाल तर्फ आँउदै गरेको अवस्थामा इलाका प्रहरी कार्यालय पृथ्वीपुर, कैलालीबाट खटिएको प्रहरीले से २ प ७४१० नम्बरको मोटरसाइकलमा सवार निजहरुलाई शंका लागि चेकजाँच गर्दा उक्त पदार्थ फेला पारी उक्त पदार्थ, मोटरसाइकल सहित पक्राउ गरेको हो ।