बझाङ:- जिल्ला बझाङ केदारस्यु गा.पा.९ झोता बजार स्थित अनिल होटेलबाट ८०० मिलिग्राम लागूऔषध खैरो हेरोईन जस्तो देखिने धुलो पदार्थ सहित २ जनालाई शुक्रबार राति प्रहरीले पक्राउ गरेको छ  । पक्राउ पर्नेहरूमा सोही गा.पा.१ बस्ने १८ वर्षिय किशोर र जयपृथ्वी न.पा.१० बस्ने वर्ष २२ को प्रकाश श्रेष्ठ रहेका छन । लागूऔषध सेवन गरिरहेका छन भन्ने विशेष सुचनाको आधारमा अस्थायी प्रहरी प्रहरी पोष्ट झोता, बझाङबाट खटिएको प्रहरीले उनीहरूलाई होटेलको कोठाबाट उक्त पदार्थ सहित पक्राउ गरेको हो ।