अबैध लागूऔषध सहित ८ जना मानिस पक्राउ
२०८३-०२-१७
- A
- A-
- A+
कैलाली:- जिल्ला कैलाली लम्किचुहा न.पा.१ बाट २३० ग्राम लागूऔषध गाँजा देखिने पदार्थ सहित सोही ठाउँ बस्ने बर्ष २४ को कमल चौधरीलाई शनिबार दिउँसो प्रहरीले पक्राउ गरेको छ । गोप्य सुचनाको आधारमा इलाका प्रहरी कार्यालय लम्की, कैलालीबाट खटिएको प्रहरीले निजको घरकोठा खानतलासी गर्दा उक्त पदार्थ फेला पारी आवश्यक प्रक्रिया पुरा गरि उक्त पदार्थ सहित निजलाई पक्राउ गरेको हो ।
यसैगरी, टिकापुर न.पा.९ खक्रौलाबाट अवैध लागूऔषध खैरो हेरोईन जस्तो देखिने धुलो पदार्थ ६३० मिलिग्राम सहित सोही न.पा.१ ब्लक नम्बर १६ बस्ने बर्ष ३१ को दिनेश शाहीलाई शनिबार दिउँसो प्रहरीले पक्राउ गरेको छ । इलाका प्रहरी कार्यालय टिकापुर र प्रहरी चौकी कालाकुण्डा, कैलालीबाट संयुक्त रुपमा खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो ।
यसैगरी, टिकापुर न.पा.९ खक्रौलाबाट अवैध लागूऔषध खैरो हेरोईन जस्तो देखिने धुलो पदार्थ ३ ग्राम २० मिलिग्राम, नाईट्रोजाम ३ क्यापसुल र स्पाजाम ८ क्यापसुल सहित सोही न.पा.७ बैद्य टोल बस्ने बर्ष २१ को खकेन्द्र साउदलाई शनिबार राति प्रहरीले पक्राउ गरेको छ । प्रहरी चौकी कालाकुण्डा, कैलालीबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो ।
यसैगरी, भजनी न.पा.६ विस्नापुरबाट ३४० मिलिग्रमा लागूऔषध खैरो हेरोईन जस्तो देखिने धुलो पदार्थ सहित २ जनालाई शनिबार राति प्रहरीले पक्राउ गरेको छ । पक्राउ पर्नेहरूमा जानकी गा.पा.४ मुनुवा बस्ने बर्ष २० को प्रासिस रावत र १८ बर्षिय किशोर रहेका छन । जिल्ला प्रहरी कार्यालय कैलाली समेतबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित पक्राउ गरेको हो ।
कञ्चनपुर:- जिल्ला कञ्चनपुर लालझाडी गा.पा.६ चन्देवबाट २३० मिलिग्राम लागूऔषध खैरोहेरोइन जस्तो देखिने धुलो पदार्थ सहित २ जनालाई शनिबार दिउँसो प्रहरीले पक्राउ गरेको छ । पक्राउ पर्नेहरूमा जिल्ला बैतडी, पुर्चौडी न.पा.८ बस्ने बर्ष ३२ को अर्जुन धानुक र पुनर्वास न.पा.२ मोतिबस्ति बस्ने बर्ष २२ को आशिष साउद रहेका छन । इलाका प्रहरी कार्यालय बेलौरी, कञ्चनपुरबाट खटिएको प्रहरीले से ६ प ७५९ नम्बरको मोटरसाइकलमा सवार निजहरुलाई शंका लागि चेकजाँच गर्दा उक्त पदार्थ फेला पारि उक्त पदार्थ, मोटरसाइकल सहित पक्राउ गरेको हो ।
दार्चुला:- जिल्ला दार्चुला महाकाली न.पा.४ बाङ्गा बगरबाट ११ ग्राम लागूऔषध चरेश जस्तो देखिने कालो पदार्थ सहित मार्मा गा.पा. ४ घर भई हाल बाङ्गा बगर बस्ने बर्ष ३१ को सन्तोष बर्मा सुनारलाई शनिबार साँझ प्रहरीले पक्राउ गरेको छ । सामुदायिक प्रहरी सेवा केन्द्र बाङ्गाबगर, दार्चुलाबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित निजलाई पक्राउ गरेको हो ।